سيدنەيدە قاراشا ايىنداعى ەڭ ىستىق تٷن تٸركەلدٸ. ەكٸ تٷن قاتارىنان تەمپەراتۋرا 39-دان تٷسپەگەن. مەتەوباقىلاۋ قولعا الىنعاننان بەرٸ مۇنداي ىستىق تٸركەلمەگەن, دەپ حابارلايدى Euronews.
اۋسترالييادا ٶتە ىستىق بولىپ تۇر. جاڭا وڭتٷستٸك ۋەلس, وڭتٷستٸك اۋسترالييا شتاتىندا, ۆيكتورييا شتاتىنىڭ سولتٷستٸگٸندە اۋا تەمپەراتۋراسى تسەلسيي شكالاسى بويىنشا پليۋس 45-كە جەتكەن. وسىعان بايلانىستى بٸرقاتار ٶڭٸردە وت جاعۋعا تىيىم سالىندى.
جاڭا وڭتٷستٸك ۋەلستە ون شاقتى جەردەن ورمان ٶرتەنگەن. شتات بيلٸگٸ ساق بولۋ كەرەكتٸگٸن ەسكەرتتٸ.
«تۇرعىندار بىلتىرعى جازدان كەيٸن ٶڭٸرٸمٸزگە ورمان ٶرتٸ قاۋپٸ جوق دەپ سانايدى. شتات اۋماعىنىڭ 90%-ىن ٶرت شالماعانى راس. الايدا بۇل جاڭا وڭتٷستٸك ۋەلس شتاتىنىڭ 90 پايىزى بىلتىرعىداي ورمان ٶرتٸ شىعۋى قاۋپٸ بار اۋماق ەكەنٸن بٸلدٸرەدٸ», - دەيدٸ جاڭا وڭتٷستٸك ۋەلس شتاتىنىڭ پوليتسيياسى دەۆيد ەلليوت:
تابيعي ٶرت سيدنەي شەتٸندەگٸ ٷيلەرگە قاۋٸپ تٶندٸرٸپ تۇر. قالادا جاڭا رەكورد تٸركەلدٸ. ەلدەگٸ مەتەونى باقىلاۋ تاريحىندا كەشەگٸ تٷن قاراشاداعى ەڭ ىستىق تٷن رەتٸندە تٸركەلدٸ. ەكٸ كٷن تٷندە قاتارىنان سيدنەيدە تەمپەراتۋرا 39 گرادۋستان اسىپ كەتتٸ. مۇنداي وقيعا 1960 جىلدان بەرٸ تٸركەلمەپتٸ.
مەتەورولوگتار ىستىق اۋا رايى الداعى بٸرنەشە كٷندە كەتپەيدٸ دەپ وتىر.
