Almaty oblysynda sibir eligin atyp, at quiryǵyna bailap qoiǵan brakonerler ustaldy, - dep habarlaidy Tengrinews.kz tilshisi QR EGTRM Orman sharýashylyǵy jáne janýarlar dúniesi komitetiniń baspasóz qyzmetine silteme jasap.
5 naýryzynda Almaty oblysynda "Ile-Alataýy" ulttyq parki inspektorlary sibir eligin atqan brakonerlerdi ustaǵany habarlandy.
Túrgen filialynyń inspektorlary Áshimov, Baitasov, Jylqaidarovtar reid júrgizgen. Barlaý kezinde Almaty memlekettik tabiǵi keshendi qoryǵynyń aýmaǵynda Almaty oblysynyń atqa mingen eki turǵynynan eki myltyq pen sibir eligi anyqtaldy.
"Bir qyzyǵy brakonerler atqan oljasyn sol qalpy at quiryǵyna bailap qoiǵan. Ustaý kezinde quiryǵyna elik bailanǵan janýar úrkip, eldi mekenge qashty. Aldymen brakonerlerdi quryqtaǵan inspektorlar artynsha elik bailanǵan atty da ustady. Inspektorlar quqyq buzýshylardy Almaty oblysy Eńbekshiqazaq aýdandyq politsiia basqarmasyna jetkizdi", - delingen habarlamada.
Qazir atalǵan derek boiynsha sotaldy tergep-tekserý amaldary júrgizilip jatyr.
