Memleket basshysy Qasym-Jomart Toqaev QHR Tóraǵasy Si Tszinpinmen telefon arqyly sóilesti, dep habarlaidy "Ult aqparat" Aqordaǵa silteme jasap.
Eki el basshylary joǵary deńgeidegi turaqty, senimdi dialog jan-jaqty, uzaq merzimdi dáiekti strategiialyq áriptestiktiń kepili ekenin aitty. Taraptar 2019 jyldyń qyrkúiek aiynda Qazaqstan Prezidentiniń Qytai Halyq Respýblikasyna jasaǵan memlekettik sapary barysynda qol jetkizilgen mańyzdy ýaǵdalastyqtardyń júzege asyrylýyna kóńilderi tolatynyn jetkizdi.
Qasym-Jomart Toqaev eki el arasyndaǵy diplomatiialyq qatynastarǵa 30 jyl tolatynyn atap ótip, qarqyndy damyp kele jatqan ekijaqty bailanystardy joǵary baǵalady. Qazaqstan men Qytai arasyndaǵy qarym-qatynastardyń qazirgi jaǵdaiy kez kelgen syn-qaterge tótep bere alatyn jáne úlgi tutarlyq deńgeide ekeni aityldy.
– Qytai - bizdiń máńgi kórshimiz ári dosymyz. Bizdiń beibitshilik pen jan-jaqty yntymaqtastyqqa negizdelgen ortaq shekaramyz bar. COVID-19 indeti taralǵan kúrdeli kezeńde ózara qoldaý kórsetkenimiz – myzǵymas dostyqtyń aiqyn úlgisi, – dedi Qasym-Jomart Toqaev.
Prezident jýyrda Qazaqstanǵa «CoronaVac» vaktsinasynyń alǵashqy leginiń jetkizilgenin aityp, Qytai tarapyna rizashylyǵyn bildirdi. Bul elimizde júrgizilip jatqan jalpyulttyq vaktsinalaý naýqanyna aitarlyqtai úles qosady.
Si Tszinpin ekijaqty strategiialyq áriptestikke jáne kúrdeli kezeńde kórsetilgen ózara kómekke qatysty Qazaqstan Prezidentiniń bergen baǵasyn quptady.
– Elderimiz arasyndaǵy yntymaqtastyqtyń formaty biregei sipatta jáne Qytaidyń basqa kórshi eldermen qarym-qatynasy mundai deńgeide emes, – dedi Qytai basshysy.
QHR Tóraǵasy «Bir beldeý – bir jol» tarihi bastamasyn iske asyrýdaǵy Qazaqstannyń róline erekshe toqtalyp, koronavirýs pandemiiasynyń kesirinen jahandyq bailanystardyń úzilgen shaǵynda jobanyń óz qajettigin dáleldegenin aitty.
Qasym-Jomart Toqaev Qazaqstan territoriiasy arqyly ótetin kólik-tranzit baǵdarlaryn odan ári ártaraptandyrý baǵytyndaǵy elimizdiń berik ustanymyn naqtylady. Prezident Qazaqstan men Qytai shekarasyndaǵy avtokólikter men temirjol ótkizý beketteriniń jumystaryn, sondai-aq, eki el arasyndaǵy turaqty áýe qatynastaryn tezirek qalypty jaǵdaiǵa keltirý qajet ekenin aitty. Bul qadam eki eldiń isker toptary men jalpy jurtshylyǵy úshin asa jaǵymdy jańalyq bolar edi.
Memleket basshysy «Bir beldeý – bir jol» tujyrymdamasynyń basqa da baǵyttaryn birlesip ilgeriletýde innovatsiialyq, atap aitqanda, qarjy, tsifrlandyrý jáne «jasyl» tehnologiialarǵa qatysty sheshimderdi izdestirýge shaqyrdy.
Qasym-Jomart Toqaev pen Si Tszinpin eki el úkimetterine áńgime barysynda kóterilgen máselelerdi egjei-tegjeili pysyqtaýdy qolǵa alý jóninde tapsyrma berýge ýaǵdalasty.
Memleket basshylary álemdik jáne óńirlik kún tártibindegi ózekti máseleler boiynsha pikir almasty. Olar BUU, ShYU jáne «Ortalyq Aziia – Qytai» formaty siiaqty kópjaqty alańdardaǵy ózara is-qimyldardyń zor áleýeti bar ekenin atap ótti. Eki el basshylary jańa dáýir kezeńinde mýltilateralizm tujyrymdamasyn jáne «adamzattyń ortaq taǵdyry» qoǵamdastyǵyn qurýdyń asa qajet ekenin aitty. Qazaqstan Prezidenti Aziiadaǵy ózara yqpaldastyq jáne senim sharalary jónindegi keńeske únemi qoldaý kórsetip kele jatqany úshin qytai tarapyna rizashylyǵyn bildirdi.
Qasym-Jomart Toqaev Sian qalasynda ótken Ortalyq Aziia elderi Syrtqy ister ministrleri kezdesýiniń qorytyndylaryna joǵary baǵa berdi. Sondai-aq halyqaralyq yqpaldastyqtyń atalǵan formatynyń damýyna atsalysýǵa daiyn ekenine toqtalyp, kezekti otyrysty 2022 jyly Qazaqstanda ótkizýdi usyndy.
Si Tszinpin Qazaqstan Ortalyq Aziiadaǵy iri memleket retinde aimaqtaǵy qaýipsizdik pen turaqtylyqty qamtamasyz etýde, ásirese, Aýǵanstannan Amerika áskeri shyǵarylǵannan keiin mańyzdy ról atqara alady dep sanaidy.
Ózara senimge jáne tolyq qoldaýǵa negizdelgen áńgimelesý sońynda Qasym-Jomart Toqaev pen Si Tszinpin ártúrli deńgeidegi tyǵyz qarym-qatynastardy jalǵastyrýǵa ýaǵdalasty. Sonymen qatar Uiymnyń 20 jyldyǵyna orai Qazaqstan astanasynda ShYU-ǵa múshe memleketter úkimetteri basshylarynyń otyrysyn laiyqty deńgeide ótkizýge kelisti. QHR basshysynyń Qazaqstanǵa memlekettik saparmen kelý merzimin diplomatiialyq joldar arqyly kelisý jóninde ýaǵdalastyqqa qol jetkizildi.
