Qytai Halyq Respýblikasy tóraǵasy Si Tszinpin Qytai Halyq-azattyq armiiasyn "shynaiy urys qimyldaryna qatysý daiyndyǵyna kóńil bólýge" shaqyrdy. "Sinhýa" agenttigi málimetinshe, memleket basshysy osyndai tapsyrmany Beijińde ótip jatqan ulttyq qorǵanys jáne áskeri reforma jónindegi konferentsiiaǵa qatysýshylarǵa joldaǵan, - dep habarlaidy Massaget.kz portaly EADaily aqparat agenttigine silteme jasap.
"Reformalardyń sátti tájiribesin sanaly túrde jinaqtaý jáne qoldaný, jańa jaǵdaidy jáne mindet talaptaryn meńgerý, soǵys daiyndyǵyna nazar aýdarý kerek, sonymen qatar, zertteýge jáne jańashyldyqqa batyl bolý qajet", - dedi Qytai basshysy.
Ol, sondai-aq, armiiany reformalaý maqsattaryna jetý josparyn qatań ustanýdy tapsyrdy.
Konferentsiiaǵa QHR Ortalyq áskeri keńesiniń, Halyqtyq qarýly militsiianyń jáne áskeri oqý oryndarynyń joǵary laýazymdy ókilderi, sondai-aq, QKP OK Saiasi biýrosynyń músheleri qatysty.
Si Tszinpin bul buiryǵyn Taivan tóńiregindegi jaǵdaidyń shielenisýi aiasynda aitty. Buǵan deiin Beijiń óz memleketiniń egemendigin qorǵaý úshin "barlyq qajet sharalardy qabyldaýǵa" daiyn ekenin bildirgen edi. Mundai málimdeme AQSh prezidenti Djo Baidenniń Taivandy qorǵaý úshin amerikalyq armiiany paidalaný týraly ýádesine jaýap retinde jasaldy.
