Shanhai yntymaqtastyq uiymy (ShYU) Taiaý Shyǵysta bolyp jatqan oqiǵalarǵa alańdaýshylyq bildirip, barlyq taraptardy shielenistiń barynsha tiimdi saiasi-diplomatiialyq sheshimin tabýǵa shaqyrady. Bul týraly ShYU bas hatshysy Vladimir Norov Qytai Halyq Respýblikasyndaǵy Iran elshisi Keshavarz-Zademen kezdesý barysynda málim etti, dep habarlaidy "Ult aqparat" uiymnyń baspasóz qyzmetine silteme jasap.
«Óńirde bolyp jatqan oqiǵalarǵa alańdaýshylyq bildirip, barlyq taraptardy shielenistiń tiimdi saiasi-diplomatiialyq sheshimin tabý jolynda barynsha ustamdylyq tanytýǵa, sondai-aq Taiaý Shyǵystaǵy shielenistiń odan ári ýshyǵýyna jol bermeýge shaqyramyz», - dep atap ótti ShYU bas hatshysy.
V. Norov ShYU halyqaralyq qatynastarda kúsh qoldanýdyń kez kelgen túrine qarsy ekenin jetkizip, BUU Jarǵysynyń negizgi qaǵidaty egemendik pen aýmaqtyq tutastyqty qurmetteý ekenin atap ótti.
«ShYU BUU Jarǵysynyń maqsattary men qaǵidattaryna berik ustaný, barlyq máselelerdi ózara konsýltatsiialar negizinde sheshý, ishki isterge aralaspaý, aýmaqtyq tutastyqty ózara qurmetteý, áskeri kúsh qoldanbaý nemese kúshpen qorqytpaý, birjaqty áskeri ústemdikten bas tartý jáne beibitshilik pen qaýipsizdikti saqtaýǵa baǵyttalǵan halyqaralyq quqyqtyń jalpyǵa birdei normalary negizinde sheshý qajettigin dáiekti túrde atap ótedi», - dep túiindedi ShYU bas hatshysy.
