Sýret: kapital.kz
Ulttyq qaýipsizdik komiteti 2-5 shilde aralyǵynda Astanada ótetin Shanhai Yntymaqtastyq Uiymynyń sammitine orai turǵyndarǵa úndeý jasady.
«Qurmetti astananyń, Almaty, Qaraǵandy jáne Kókshetaý qalalarynyń turǵyndary men qonaqtary! Qazaqstanda shildeniń 2-5 aralyǵynda birqatar mańyzdy halyqaralyq is-sharalar, onyń ishinde Shanhai Yntymaqtastyq Uiymyna múshe memleketter basshylarynyń keńesi men Qytai Halyq Respýblikasy tóraǵasynyń memlekettik resmi sapary ótedi. Osyǵan orai álemge belgili tájiribege sáikes ýákiletti memlekettik organdar keletin sheteldik delegatsiialardyń, olardyń ishinde memleket basshylary men halyqaralyq uiymdar basshylarynyń qaýipsizdigin joǵary deńgeide qamtamasyz etýge tolyqqandy sharalar qabyldaidy. Terrorizmge qarsy is-qimyl týraly zańnyń 12, 13 jáne 15-baptaryna sáikes kúzetiletin tulǵalardyń qaýipsizdigin qamtamasyz etý boiynsha kúzet is-sharalaryn ótkizý kezinde Terrorizmge qarsy kúres respýblikalyq jedel shtabtyń basshysy retinde Qazaqstan Respýblikasy Memlekettik kúzet qyzmeti bastyǵynyń sheshimimen Astana, Almaty, Qaraǵandy jáne Kókshetaý qalalarynyń jekelegen ýchaskelerinde terrorizmge qarsy operatsiianyń quqyqtyq rejiminde quqyqtyq tártip pen qoǵamdyq qaýipsizdikti qoldaý is-sharalary ótedi» dep eskertedi komitetten.
Quqyqtyq rejim 2 shilde 00:01–den bastap 4 shilde 23:59–ǵa deiin Shanhai Yntymaqtastyq Uiymynyń sammiti ótkiziletin obektiler aýmaǵyna jáne kúzetiletin tulǵalardyń júrý baǵyttarynda engiziledi.
Kúzetiletin tulǵalardyń Aqmola, Qaraǵandy oblysy men Almaty qalasy aýmaǵyna kelgen jaǵdaida olar kelgen kezeńge jáne atalǵan óńirlerge bolatyn oryndaryna terrorizmge qarsy operatsiianyń quqyqtyq rejimi jariialanady.
Terrorizmge qarsy operatsiia ótkizý aimaqtarynda kúzetiletin tulǵalar bolǵan kezeńderinde ol aimaqtarda adamdardyń jáne avtokólikterdiń qozǵalysyna shekteý qoiylady.
Kúzetiletin tulǵalar júretin arnaiy trassa ýchaskelerinde qalalyq jolaýshylar kóliginiń qozǵalysy toqtatylady.
Tiisti baǵdarlardaǵy ózgerister jaiynda Astana qalasynyń ákimdigi habarlaidy.
«Budan basqa, Qazaqstan Prezidentiniń 2013 jylǵy 9 tamyzdaǵy № 611 Jarlyǵymen bekitilgen „Terrorizm aktisi qateriniń týyndaýy týraly aqparat monitoringiniń jáne halyqty habardar etýdiń memlekettik júiesiniń uiymdastyrylýy men jumys isteý qaǵidalaryna“ sáikes terrorizmge qarsy operatsiianyń quqyqtyq rejimi engizilýin eskere otyryp, Astana, Almaty, Qaraǵandy jáne Kókshetaý qalalarynyń Shanhai yntymaqtastyq uiymynyń sammitin ótkizý obektilerinde 2 shilde 00:01–den bastap 4 shilde 23:59–ǵa deiin terroristik qaýiptiń birqalypty („sary“) deńgeii belgilenedi. Birqalypty deńgei ýákiletti memlekettik organdardyń uiymdastyrýshylyq, ákimshilik jáne jedel is-sharalar keshenin ótkizýdi kózdeidi» dep eskertedi UQK.
Atap aitqanda:
— jekelegen aýmaqtarda kólik quraldary men jaiaý júrginshilerdiń qozǵalysyna shekteý engizedi;
— kinologiia qyzmetiniń mamandaryn tarta otyryp, kóshelerde, alańdarda, stadiondarda, skverlerde, saiabaqtarda, magistraldi temirjol jelilerinde, temirjol vokzaldarynda, avtovokzaldarda, áýejailarda, metropoliten obektilerinde, buqaralyq jáne jappai is-sharalar ótetin oryndarda patrýldi kúsheitedi;
— jarylǵysh qurylǵylardy anyqtaý jáne joiý boiynsha terroristik turǵydan osal obektilerge jáne adamdar kóp jinalatyn oryndarǵa, buqaralyq jáne jappai is-sharalarǵa qatysýshylardyń qozǵalýlarynyń negizgi baǵdarlaryna tekserý júrgizedi;
— áýejailarda, metropoliten obektilerinde, temirjol vokzaldarynda jáne avtovokzaldarda jete tekserý is-sharalaryn ótkizý barysynda arnaiy tehnika quraldaryn paidalaný arqyly rejimdik sharalardy kúsheitedi.
«Arnaiy memlekettik jáne quqyq qorǵaý organdarynyń jumysyna túsinikpen qaralaýlaryńyzdy jáne olardyń qyzmetkerleriniń zańdy talaptaryn saqtaýdy suraimyz» deidi vedomstvodan.
