7-10 qańtar aralyǵynda Qazaqstan Respýblikasy Syrtqy ister ministrliginiń shaqyrýymen ShYU missiiasy QR Parlamenti Májilisiniń sailaýyna daiyndyq jáne ony ótkizý barysyn baqylaýshylardyń 55-shi mereitoilyq missiiasyn tabysty ótkizdi. Missiia quramynda 15 baqylaýshy - zańnamalyq sailaý organdarynyń ókilderi akkreditteldi. Bul týraly sailaýdy ótkizý qorytyndysyna arnalǵan brifingte missiia basshysy, ShYU Bas hatshysynyń orynbasary málimdedi, dep habarlaidy Ortalyq kommýnikatsiialar qyzmetiniń baspasóz qyzmeti.
Chjan Haichjoýdyń aitýynsha, missiia músheleri 118 sailaý ýchaskesine bardy. Ol protsesti uiymdastyrýǵa daiyndyq jaqsy bolǵanyn atap ótti: sanitarlyq normalardy saqtaý, múmkindigi shekteýli adamdar úshin jaǵdailar jasalǵan, sýrdoaýdarmashylardyń kómegi. Halyqaralyq baiqaýshylardy shaqyrý ashyqtyq pen demokratiialylyqqa umtylys retinde baǵalanady, – dedi spiker.
«Qazaqstan Respýblikasynda azamattardyń barlyq konstitýtsiialyq quqyqtaryn teń jáne erkin júzege asyrý úshin barlyq qajetti jaǵdailar jasalǵan. Sailaý nátijelerine áser etýi múmkin buzýshylyqtar anyqtalǵan joq. Missiia, eldiń zań shyǵarýshy organyn sailaý demokratiialyq Qazaqstandy odan ári damytý jolyndaǵy mańyzdy qadam boldy dep málimdeidi. Missiia Qazaqstan Respýblikasynyń halqyn sailaýdyń aiaqtalýymen quttyqtaidy jáne memlekettilikti nyǵaitý men áleýmettik-ekonomikalyq damý baǵytyn odan ári júzege asyrýda tabys tileidi», - dedi ShYU baqylaýshylar missiiasynyń basshysy.
Ol sondai-aq SIM, OSK jáne basqa da vedomstvolardyń atynan missiia boiynsha áriptesterine, naýqandy uiymdastyrýshylarǵa rizashylyǵyn bildirdi.
