ShYU-ǵa múshe memleketterdiń basshylary terrorizmge qarsy kúres týraly birlesken málimdeme qabyldaidy. Bul týraly búgin elordada ótip jatqan uiym sammiti barysynda QR Prezidenti Nursultan Nazarbaev málim etti, dep habarlaidy Ult.kz tilshisi QazAqparat agenttigine silteme jasap.
Elbasy óz sózinde ShYU-nyń búgingi qyzmeti geosaiasattaǵy sońǵy tendentsiialardy, álemdik ekonomikadaǵy bazalyq trendterdi eskeretindigin atap ótti. Barlyq birlesken sheshimderdi tiimdi júzege asyrý barysyndaǵy negizgi maqsattarǵa ret-retimen qol jetkizýge baǵyttalǵan júieli jumystar atqarylyp jatqandyǵyn aitty.
«Jańa syn-qaterlerge, turaqtylyq pen qaýipsizdikke qatysty máselelerge airyqsha mán beriledi. Máselen, osy sammit aiasynda halyqaralyq terrorizmge birlesip qarsy turý jónindegi málimdeme qabyldaý, sonymen qatar ekstremizmge qarsy is-qimyl jónindegi konventsiiaǵa qol qoiý josparlanǵan. Bul osynaý jahandyq zulymdyqqa kúrestegi ShYU-nyń mańyzdy úlesi bolady», - dedi Qazaqstan Prezidenti.
Munan bólek, Memleket basshysy otyrystyń kún tártibinde tek uiym úshin ǵana emes sonymen birge halyqaralyq qoǵamdastyq úshin de mańyzdy birqatar máseleniń qaralatyndyǵyn atap ótti.
Aita keterligi qazirgi ýaqytta shaǵyn quramdaǵy otyrys jabyq ótýde. Oǵan QHR Tóraǵasy Si Tszinpin, Ózbekstan Prezidenti Shavkat Mirzieev, Qyrǵyzstan Prezidenti Almazbek Atambaev, Resei Prezidenti Vladimir Pýtin, Tájikstan Prezidenti Emomali Rahmon qatysýda.
