Shanhai yntymaqtastyq uiymnyń bas hatshysy Vladimir Norov bastaǵan baiqaýshylar toby sailaýdy baqylaý úshin elordaǵa keldi, dep habarlaidy Sputnik Qazaqstan tilshisi.
Onyń aitýynsha, ShYU missiiasy 25 adamnan turady. Olardyń deni – uiymǵa múshe memleketterdiń zań shyǵarýshy, atqarýshy jáne sailaý organdarynda jumys isteitin qyzmetkerler.
ShYU missiiasy qai qalalarda júredi
"Bizdiń missiiamyz baqylaý sharalaryn bastap ketti deýge bolady. Qazirgi kezde olar sailaýǵa daiyndyq máselelerin qadaǵalap júr. Uiymnyń ókilderi Qazaqstannyń jeti qalasyna jiberildi. Olardyń ishinde Nur-Sultan, Almaty, Shymkent, Túrkistan, Qaraǵandy, Atyraý men Óskemen bar. Budan bólek, osy qalalar kiretin alty aimaqty qamtimyz", - dedi Norov Ortalyq sailaý komissiiasynda ótken birfingte.
ShYU baqylaýshylary 7 maýsymda sailaýdy uiymdastyrý sharalaryna qadaǵalaýǵa tolyǵymen kirisedi. Al 9 maýsymda daýys berýdi jan-jaqty baqylaidy.
"Árine, Qazaqstannyń sailaý zańnamasynda kóp jańalyqtar engizildi. Ondai tájiribe Shanhai yntymaqtastyq uiymyna múshe memleketter úshin úlgi bolady dep senemiz. Qazaqstanda áiel adam alǵash ret prezidenttik sailaýda óz kandidatýrasyn usynyp otyr. Sosyn árbir kandidattyń sailaýaldy baǵdarlamasynda da biraz másele kóterildi", - dep atap ótti Norov.
"Karýsel" qaitalanbai ma?
Uiym basshysynyń sózine qaraǵanda, ázirshe zań buzýshylyqtar anyqtalǵan joq. Degenmen, Qazaqstandaǵy prezident pen parlament sailaýlaryn baqylaý tájiribesine sáikes, tártip buzýshylyqtar azaiyp keledi.
"Shanhai yntymaqtastyq uiymynyń baiqaýshylary osymen 10 ret Qazaqstandaǵy sailaý naýqanyn qadaǵalaýǵa kelip otyr. Osyny eskere otyryp, bir nárseni erekshe atap ótkim keledi, buryn halyqaralyq baiqaýshylar aitqan máselelerdiń kóbisi sheshildi. Máselen, "karýsel" degen nárse bar. Ondaida bir úidiń otaǵasy... Endi, atalǵan tártip buzýshylyqtar tolyǵymen joiyldy deýge bolady" , - dedi Norov.
Aita keteiik, sailaý kezindegi "karýsel" daýys berý nátijelerin burmalaýdyń bir tásili bolyp sanalady. Halyq arasynda ony "vertolet","krýiz" dep te atai beredi. Ondaida sailaýshylarǵa aqsha berip, olarǵa birneshe ýchaskede daýys berýge múmkindik jasaidy. Osy topqa kiretin adamǵa aldyn ala toltyrylǵan biýlleten beriledi. Tártip buzýshy ony jáshikke salady da, jańasyn qaitadan sol adamdarǵa bere salady. Ol biýlletendi taǵy aldyn ala toltyryp, "karýselmen" jiberip otyrady.
Qazaqstandaǵy prezident sailaýy
Kezekten tys prezident sailaýy 9 maýsymda ótedi. Sailaý ýchaskelerinde daýys berý tańǵy saǵat 7:00-den 20:00-ge deiin ótedi.
Osy joly Qazaqstan prezidenttigine jeti adam talasady. Olar:
- Nur Otan partiiasy atynan Qasym-Jomart Toqaev;
- "Ult taǵdyry" qozǵalysy atynan Ámirjan Qosanov;
- Qazaqstan kommýnistik halyq partiiasy atynan Jambyl Ahmetbekov;
- "Aýyl" partiiasy atynan Tóleýtai Raqymbekov;
- "Aq jol" demokratiialyq partiiasy atynan Daniia Espaeva;
- Kásipodaqtar federatsiiasy atynan Amangeldi Taspihov;
- "Uly dala qyrandary" qoǵamdyqbirlestigi atynan Sádibek Túgel.
Prezident sailaýyna 12 067 475 biýlleten daiyndalady.
