Foto: Aqmaral Esimhanova
Sońǵy birneshe kún deresinde áleýmettik jelilerde "Pavlodar ákimdigi shyrshany sándeýge 800 mln teńge jumsamaq" degen sipattaǵy áńgime jeldei esip júr. Mundai aqparat kópshiliktiń narazylyǵyn da týdyrǵany ras, dep habarlaidy Ult.kz inbusiness.kz -ke silteme jasap.
Belgili bolǵandai, qalalyq ákimdikke qarasty turǵyn úi-kommýnaldyq sharýashylyq, jolaýshylar kóligi jáne avtomobil joldary bólimi shynymen jalpy somasy 791,9 mln teńge kóleminde úsh lot jariialaǵan.
Soǵan sáikes, qomaqty qarajat merekelik qurylymdardy ornalastyrý men olarǵa qyzmet kórsetý, qural-jabdyqtardy tasymaldaý, arnaiy tehnikalar men jumysshylardyń aqysyn óteý maqsatynda qarastyrylǵan. Tizimde avtokrannan avtobýsqa deiin ondaǵan tehnikanyń ataýy qosylǵan.
Anyqtaǵanymyzdai, naqty shyrshany ǵana sándep, oǵan oiynshyqtar alý qajet degen maqsat múlde kórsetilmegen.
Muny jergilkti bilik óklideri de rastady. Resmi málimdemege súiensek, bul qary jańajyldyq bezendirýge jumsalmaidy.
"Atalmysh kelisimshart qalalyq senbilikter, sanitarlyq tazalyq jumystary, qurylymdar, materialdar men basqa da júkterdi tasymaldaýdy qarastyrady. Tehnika Pavlodar qalasynda sharýashylyq jáne uiymdastyrýshylyq jumystardy atqarý kezinde ǵana paidalanylady", - dep túsindirdi qalalyq ákimdik ókilderi.
Al jańajyldyq shyrshany bezendirýge aldyńǵy jyldarǵa qaraǵanda shamamen 8 ese soma az qarastyrý kózdelip otyr. Biraq qarajattyń naqty kólemi ázirshe aitylmady.
