فوتو: اقمارال ەسٸمحانوۆا
سوڭعى بٸرنەشە كٷن دەرەسٸندە ەلەۋمەتتٸك جەلٸلەردە "پاۆلودار ەكٸمدٸگٸ شىرشانى سەندەۋگە 800 ملن تەڭگە جۇمساماق" دەگەن سيپاتتاعى ەڭگٸمە جەلدەي ەسٸپ جٷر. مۇنداي اقپارات كٶپشٸلٸكتٸڭ نارازىلىعىن دا تۋدىرعانى راس, دەپ حابارلايدى Ult.kz inbusiness.kz -كە سٸلتەمە جاساپ.
بەلگٸلٸ بولعانداي, قالالىق ەكٸمدٸككە قاراستى تۇرعىن ٷي-كوممۋنالدىق شارۋاشىلىق, جولاۋشىلار كٶلٸگٸ جەنە اۆتوموبيل جولدارى بٶلٸمٸ شىنىمەن جالپى سوماسى 791,9 ملن تەڭگە كٶلەمٸندە ٷش لوت جارييالاعان.
سوعان سەيكەس, قوماقتى قاراجات مەرەكەلٸك قۇرىلىمداردى ورنالاستىرۋ مەن ولارعا قىزمەت كٶرسەتۋ, قۇرال-جابدىقتاردى تاسىمالداۋ, ارنايى تەحنيكالار مەن جۇمىسشىلاردىڭ اقىسىن ٶتەۋ ماقساتىندا قاراستىرىلعان. تٸزٸمدە اۆتوكراننان اۆتوبۋسقا دەيٸن ونداعان تەحنيكانىڭ اتاۋى قوسىلعان.
انىقتاعانىمىزداي, ناقتى شىرشانى عانا سەندەپ, وعان ويىنشىقتار الۋ قاجەت دەگەن ماقسات مٷلدە كٶرسەتٸلمەگەن.
مۇنى جەرگٸلكتٸ بيلٸك ٶكلٸدەرٸ دە راستادى. رەسمي مەلٸمدەمەگە سٷيەنسەك, بۇل قارى جاڭاجىلدىق بەزەندٸرۋگە جۇمسالمايدى.
"اتالمىش كەلٸسٸمشارت قالالىق سەنبٸلٸكتەر, سانيتارلىق تازالىق جۇمىستارى, قۇرىلىمدار, ماتەريالدار مەن باسقا دا جٷكتەردٸ تاسىمالداۋدى قاراستىرادى. تەحنيكا پاۆلودار قالاسىندا شارۋاشىلىق جەنە ۇيىمداستىرۋشىلىق جۇمىستاردى اتقارۋ كەزٸندە عانا پايدالانىلادى", - دەپ تٷسٸندٸردٸ قالالىق ەكٸمدٸك ٶكٸلدەرٸ.
ال جاڭاجىلدىق شىرشانى بەزەندٸرۋگە الدىڭعى جىلدارعا قاراعاندا شامامەن 8 ەسە سوما از قاراستىرۋ كٶزدەلٸپ وتىر. بٸراق قاراجاتتىڭ ناقتى كٶلەمٸ ەزٸرشە ايتىلمادى.
