Foto: ashyq derekkózden
«Columbia Pictures» kinokompaniiasy álem halqyna «Django osvobojdennyi», «Rokki Balboa», «Kazino Roial», «Henkok», «Devýshka s tatýirovkoi drakona» sekildi áigili filmderimen jaqsy tanys. Kompaniianyń qolyna shyraǵdan ustap turǵan qyzdyń beinesi men «Columbia» degen jazýy bar logotipin de kinosúier qaýym jazbai tanidy. Biraq onyń qalai paida bolǵanyn kimder biledi?Amerikalyq «Columbia Pictures» kinokompaniiasyn eń alǵash 1919 jyly Gerri Kon esimdi jigit qurǵan. Áýel basta kompaniianyń «azan shaqyryp qoiǵan aty» «SBC Film Sales Corporation» bolatyn. Alaida, bul ataýdyń sátsiz ekenin uqqan basshylyq stýdiiaǵa «Columbia» atyn berip, logotipke qolyna shyraq ustaǵan qyzdyń beinesin shyǵarady. Sóitip, AQSh-tyń simvolyna ainalǵan týyndy dúniege keledi. Alǵashqyda qyz bir qolyna záitún butaǵyn, ekinshisine qalqan ustap Rim jaýyngeriniń obrazyn kórsetip turǵan. Kóp uzamai záitún butaǵy shyraǵdanmen aýystyrylyp, qalqan múldem kereksiz bolyp qaldy. Kompaniia logotipiniń kontsepsiiasy 1928 jyly naqty bekitiledi. Sodan beri onyń tek grafikalyq quramdas bóligi ózgeriske ushyraǵanymen, ideiasy sol kúiinde saqtalǵan.
1992 jyly kinokompaniia basshylyǵy logotipti tarihi mazmunyn saqtai otyryp, tsifrlyq formatqa kóshirýge bekinedi. Iske sýretshi Maikl Dj. Diasty jaldaidy. Jańa logotipti jasaý úshin Maikl kompaniiada grafikalyq redaktor bolyp isteitin Djenni Djozefti sýretke túsýge kóndiredi. Nátijesi jaman bolmaidy. Qazir ekrannan shyǵyp júrgen «Columbia Pictures» logotipindegi qyz – dál osy Djenni Djozef. Bul – onyń ómirindegi model retinde túsken eń alǵashqy jáne eń sońǵy sýreti. Bir qyzyǵy, Djenni ózge modelderge qaraǵanda ekrannan áldeqaida jii kórinedi. Al, kompaniia logotipi áli kúnge álemdegi asa tanymal brendterdiń naǵyz kórinektisi ekendigi shyndyq. Solai ǵoi, kelisesizder me?!
