Ábish Kekilbaevtyń eń tanymal povesi «Shyńyraý» arqaý bolǵan, rejisser Jánibek Jetirýov túsirgen filmniń túsirilim jumystary aiaqtaldy.
Sh.Aimanov atyndaǵy «Qazaqfilm» kinostýdiiasy QR Mádeniet jáne sport ministrliginiń tapsyrysy boiynsha túsirilgen bul film qazir montajdaý kezeńinde tur.
- Komediia jáne ekshn janryndaǵy filmderdiń surnasyqa ie ekenine qaramastan, Á.Kekilbaevtyń, klassikaǵa ainalǵan «Shyńyraý» shyǵarmasyn úlken ekrannan kórermen nazaryna usynýdy jón dep taptyq. Bul pálsapalyq kartinada kórinis tapqan kórkem dekoratsiialar, kostiýmder jáne kóz toiarlyq ádemi tabiǵat aiasyndaǵy romantikaǵa toly sahnalar, janýarlar qatysqan sahnalar, Kaspii teńizi, syrǵa toly Mańǵystaý óńiri eshqandai kórermendi beijai qaldyrmaidy dep oilaimyn. Menińshe, bizdiń film óz ultynyń tarihynan habardar, klassikalyq ádebi shyǵarmalardy unatatyn, tereń oilanatyn aǵa býyn men jas býyn kórermenge arnalǵan film. Sondai-aq,biznesmendermen qatar, qarapaiym eńbek adamdaryna da biraz oi tastaityn film. Jáne de filmdi kórgen adam osy óńirge jańasha kózqaraspen qarap, osy aimaqtyń tabiǵatyn saqtap qalýdyń joldaryn qarastyrýǵa yqpal etedi, - dedi filmniń rejisseri Jánibek Jetirýov.
Rejisserdiń aitýy boiynsha filmnyń montajdaý kezeńinde kóptegen jumys atqarylǵan. Olar: dýblderdi tańdaý, sahnalar men epizodtardyń qataryn naqtylaý, sahnanyń jáne jalpy filmniń ritmin anyqtaý. Filmdi dybystap, sahna boiynsha qajetti mýzyka men shý jazǵan. Jáne keiipkerlerdi dybystaý úshin daýystar tańdalyp, kasting júrgizilgen. Atalmysh kastingke júz akter qatysqan.
- Kartinada bir qatar dramatýrgiialyq qaqtyǵystar bar. Ol: kózqarastar men senimder qaqtyǵysy, otbasylyq qaqtyǵys, adamnyń ózimen qaqtyǵysy, dúnietanym qaqtyǵysy, qudyq qazýshylardyń arasyndaǵy qaqtyǵys, túsinispeýshilik. Filmdegi pikirlester, dostar, odaqtastardyń ózara kelispeýshiliginiń sońy úlken qaqtyǵysqa ulasady jáne tereńine boilaýmaýdyń, sondai-aq, oryn alǵan jaǵdaidy qabyldamaýdyń kesirinen kóptegen qiyndyqtarǵa tap bolady.. Filmniń shielenisi: áke men bala arasyndaǵy, oi men júrek, mahabbat pen óshpendilik, jańa men eskiniń qaqatyǵysy. Filmniń bas keiipkerleri – aýyr eńbekten qajyǵan qudyq qazýshy Eńsep, kereń bolsa da jany izgilikti qalaityn, adami qasietterge bai Ospan jáne jas qos ǵashyq Aqmonshaq pen Asylhan, - dep rejisser, filmniń bas keiipkerlerin somdaǵan Aldabek Shalbaev, Asylhan Tólepov jáne jas aktrisa Aijan Jetirý týraly aityp berdi.
Qazirgi tańda filmniń kompiýterlik grafikasymen qatar, mýzykalyq árleý jumystary júrip jatyr. Filmniń mýzykazyn kompozitor Arman Jaiym jazady. Rejisserdiń aitýy boiynsha, kartinada kóp klassikalyq mýzyka jáne kompozitorlardyń tanymal shyǵarmalarynyń óńdelgen nusqalary bolady.
Aita ketsek, film jiyrmasynshy ǵasyrdyń basyndaǵy qazaq qoǵamynda qalyptasqan áleýmettik problemalardy qozǵaidy. Jartylai otyryqshy jáne kóshpeli turmys keshetin qazaqtardyń arasyn jalǵastyryp júrgen basty keiipker Eńsep shyńyraýdan qudyq qazyp, Ústirtte aty shyǵady. Eńsep bai, aýqatty adamdardyń qudyǵyn qazyp, kedei kepshikterdiń tapsyrystaryna at ústi qaraidy. Osy tákapparlyǵy ózine kesir bolyp, ol aqyry jumyssyz qalady. Aýylǵa Buhara jaqtan kóship kelgen qalpaq degen bireý, Eńseptiń ornyn basyp, Ústirtte eń tereń qudyq qazady. Bul Eńseptiń qyzǵanyshyn oiatady. Ol odan da tereń qudyq qazam dep, aqyry báseke túbine jetedi.
Film týraly aqparat:
Óndirisi: Sh.Aimanov atyndaǵy «Qazaqfilm» AQ
Filmniń atalýy: «Shyńyraý»
Janry: Drama
Tili: Qazaq tilinde
Stsenarii avtory ári rejisseri: Jańabek Jetirýov
Qoiýshy-operatory: Rifkat Ibragimov
Prodiýseri: Ertai Rahmanberdiev
