Mádeniet jáne sport ministrligi tapsyrysy boiynsha Sh.Aimanov atyndaǵy "Qazaqfilm" AQ túsirgen "Shyńyraý" tolyqmetrajdy kórkem filmniń túsirý jumystary aiaqtaldy, - dep habarlaidy "Ult aqparat" kinostýdiianyń baspasóz qyzmetine silteme jasap.
Ábish Kekilbaevtyń "Shyńyraý" povesi boiynsha túsirilgen kórkem film Eńsep esimdi qudyqshynyń ómirin, sondai-aq kúndelikti ómirde jii kezdesetin qiyndyqtar týraly, atap aitsaq, baqtalastyq, menmendik, mahabbat, dostyq pen satqyndyq týraly baiandaidy. Kinotýyndynyń qoiýshy rejisseri ári stsenarii avtory - Jańabek Jetirýov. Filmdegi basty rólderdi Asylhan Tólepov, Aldabek Shalbaev jáne Aijan Jetirý somdady.
"Shyńyraý" filmi óz eliniń tól tarihyna beijai qaramaityn qalyń jurtshylyqqa arnalǵan. Bul pálsapalyq kartinada kórinis tapqan kórkem dekoratsiialar, kostiýmder jáne kóz toiarlyq ádemi tabiǵat aiasyndaǵy romantikaǵa toly sahnalar, janýarlar qatysqan sahnalar, Kaspii teńizi, syrǵa toly Mańǵystaý óńiri eshqandai kórermendi beijai qaldyrmaidy dep oilaimyn. Túsirilimniń barlyǵy derlik Mańǵystaý oblysynda ótti. Filmde Qaraqiia oiysy, Ústirt shoqysy jáne Kaspii teńizi kórinis tabady. Túsirilimder úshin Fort-Shevchenko qalasyna jaqyn jerdegi Qanǵa aýylynda dekoratsiialar turǵyzylyp, eldi-meken faktýralandy", - dedi filmniń rejisseri Jańabek Jetirýov.
