Shymkent qalasy ákiminiń birinshi orynbasary taǵaiyndaldy. Shahar basshysynyń ókimimen bul qyzmetti Shyńǵys Jumabekuly Muqan atqaratyn boldy, dep habarlaidy "Ult aqparat".
Shyńǵys Muqan 1984 jyly týǵan, bilimi joǵary. Mamandyǵy boiynsha ekonomist, aýdarmashy, memlekettik basqarý magistri. Ol Almatydaǵy «Qainar» ýniversitetin, Qazaq ekonomika, qarjy jáne halyqaralyq saýda ýniversitetin jáne «Bolashaq» baǵdarlamasy boiynsha Garvard ýniversitetin támamdaǵan.
Eńbek jolyn «Jas Alash» gazetinde tilshi bolyp bastaǵan. Ár jyldary QR Energetika jáne mineraldy resýrstar ministrliginiń baspasóz hatshysy, «Jaiyq-press» JShS-iniń bas direktory, Batys Qazaqstan oblysy ákimi apparaty basshysynyń orynbasary, QR Prezidenti Ákimshiliginiń ishki saiasat bóliminiń sektor meńgerýshisi, Atyraý oblysy ákiminiń orynbasary, KazPetroDrilling AQ-nyń korporativtik damý boiynsha vitse-prezidenti qyzmetterin atqarǵan.
