Shymkent qalasy Politsiia departamentiniń bastyǵy Eraly Jýmahanbetov ál-Farabi aýdany Politsiia basqarmasyna qarasty №29 ýchaskelik politsiia pýnkti ákimshilik aýmaǵynyń turǵyndarymen kezdesti, – dep habarlaidy «Ult aqparat».
Shymkenttiń bas politseii Qarasý móltek aýdanynyń turǵyndarymen kezdesýde aýdanynyń № 65, №66, №28, №8, №23 úi turǵyndary óz usynystaryn aityp, suraqtaryn joldady.
«Baspanaǵa qol jetip, qýanǵanymyz ras. Alaida qýanysh uzaqqa sozylmai otyr. Myna jaǵdaiymdy kórip otyrsyzdar. Ekinshi balama aiaǵym aýyr, alaida qajet kezde jedel-járdem shaqyrsaq, myna aýlaǵa kire almaidy. Ne óz aiaǵyńmen barasyń, ne jarty joldan aldynan shyǵýyń kerek. Bir júkti kelinshekter úshin emes, úiinde kishkentai balalary bar, úlken qarttary bar otbasylar kóp. Báriniń jaǵdaiy osy. Negizgi máselemizdiń biri ǵoi, osy jaǵdaidy rettep berseńiz», - dedi Qarasý móltek aýdanynyń turǵyny Áliia Erbolqyzy.
Máselen jergilikti turǵyndar aýladaǵy retsiz qoiylatyn kólikterden jedel járdem qyzmetiniń kirýine kedergi týyndaitynyn aityp, atalǵan kemshilikti túzetýge kómek kórsetýlerin surady. Sondai-aq turǵyndar úi kireberisteri men aýlalarǵa beinekameralar ornatý máselesin de atap ótti.
Shymkent qalasy Politsiia departamentiniń bastyǵy Eraly Jýmahanbetov atalǵan kólik qoiý máselesin retteý joldaryn qarastyratynyn atap ótti.
«Iá, máseleniń bary ras. Biraq osy jaǵdailar úshin osy aýdannyń turǵyndary ózderi sebepshi ǵoi. Kólikti yńǵailap qoiýǵa ne kedergi? Budan keiin arnaiy kezekshi qoiyp, kólikterdiń retimen qoiýylýyn qadaǵalaiyq. Tártip, ereje buzǵandarǵa aiyppul salynǵanda taǵy renjip júrmeseńizder boldy», - dep jyly jaýap berdi Eraly Jýmahanbetov.
Kún tártibinde №29 ýchaskelik politsiia pýnktiniń 2020 jyldyń 10 aiynda atqarǵan jumystary men qyzmet kórsetý aýmaǵyndaǵy qylmystyq ahýal barysy saralandy. Atalǵan aýmaqta aǵymdaǵy jyldyń 10 aiynda 92 qylmystyq quqyq buzýshylyqtar oryn alyp, onyń ishinde 73-i ashylǵan. Qoǵamdyq oryndar men kóshelerde quqyq buzýshylyqtyń aldyn alý barysynda 150-ge jýyq ákimshilik quqyq buzýshylyq jasaǵan adamdar anyqtalyp, hattama toltyrylǵan.
Kezdesý sońynda Shymkent qalasy Politsiia departamentiniń bastyǵy Eraly Jýmahanbetov: Qoǵamdyq pikirde zerdeleý, problemalyq máselelerdi sheshý jáne politsiia qyzmetin jetildirý maqsatynda uiymdastyrylǵan kezdesý ármen qarai da jalǵasatynyn, halyqtyń politsiiaǵa degen senimin arttyrý jáne imidjin kóterý úshin turǵyndarmen ashyqtyqty qalyptastyryp kelemiz. Memleket basshysynyń quqyq tártibiniń jai-kúii jáne quqyq buzýshylyq profilaktikasy jónindegi qyzmetiniń tiimdiligin arttyrý boiynsha jergilikti atqarýshy organdarmen jumysty jalǵastyramyz, – dep oiyn qorytyndylady.
Esterińizge sala keteiik, Shymkent qalasy Politsiia departamentiniń bastyǵy Eraly Jýmahanbetov ál-Farabi aýdany Politsiia basqarmasyna qarasty №29 ýchaskelik politsiia pýnkti ákimshilik aýmaǵynyń turǵyndarymen kezdesti. Shymkenttiń bas politseii Qarasý móltek aýdanynyń turǵyndarymen kezdesýde aýdanynyń № 65, №66, №28, №8, №23 úi turǵyndary óz usynystaryn aityp, suraqtaryn joldady.
