Karateden XXXII Jazǵy Olimpiada oiyndarynyń júldegerleri Darhan Asádilov pen Sofia Berýltseva týǵan jerge oraldy.
Shymkent qalasynyń halyqaralyq áýejaiynda jeńimpaz sportshylardy jerlesteri zor qoshemetpen qarsy aldy, dep habarlaidy "Ult aqparat".
Qala ákimi Murat Áitenov ǵalamdyq básekede júldeger atanǵan sportshylardy áýejaidan qarsy alyp, jerlesterimizdi jarqyn jeńisimen quttyqtady. Tórt jyldyqtyń basty básekesinde el úmitin aqtaǵanyn, aldaǵy dúbirli dodalarda odan da joǵary jetistikterge jetýlerine sáttilik tiledi. Saiypqyran sportshylarǵa demeýshi azamattardyń atynan temir tulpardyń kiltin tabys etti.
Aita ketsek, Tokio Olimpiadasynda Shymkent qalasynan 10 sportshy baq synaǵan bolatyn. Karate sportynan Darhan Asádilov pen Sofia Berýltseva jartylai finalǵa deiin jetip, qola júldeger atandy.
