كاراتەدەن XXXII جازعى وليمپيادا ويىندارىنىڭ جٷلدەگەرلەرٸ دارحان اسەدٸلوۆ پەن سوفيا بەرۋلتسەۆا تۋعان جەرگە ورالدى.
شىمكەنت قالاسىنىڭ حالىقارالىق ەۋەجايىندا جەڭٸمپاز سپورتشىلاردى جەرلەستەرٸ زور قوشەمەتپەن قارسى الدى, دەپ حابارلايدى "ۇلت اقپارات".
قالا ەكٸمٸ مۇرات ەيتەنوۆ عالامدىق بەسەكەدە جٷلدەگەر اتانعان سپورتشىلاردى ەۋەجايدان قارسى الىپ, جەرلەستەرٸمٸزدٸ جارقىن جەڭٸسٸمەن قۇتتىقتادى. تٶرت جىلدىقتىڭ باستى بەسەكەسٸندە ەل ٷمٸتٸن اقتاعانىن, الداعى دٷبٸرلٸ دودالاردا ودان دا جوعارى جەتٸستٸكتەرگە جەتۋلەرٸنە سەتتٸلٸك تٸلەدٸ. سايىپقىران سپورتشىلارعا دەمەۋشٸ ازاماتتاردىڭ اتىنان تەمٸر تۇلپاردىڭ كٸلتٸن تابىس ەتتٸ.
ايتا كەتسەك, توكيو وليمپياداسىندا شىمكەنت قالاسىنان 10 سپورتشى باق سىناعان بولاتىن. كاراتە سپورتىنان دارحان اسەدٸلوۆ پەن سوفيا بەرۋلتسەۆا جارتىلاي فينالعا دەيٸن جەتٸپ, قولا جٷلدەگەر اتاندى.
