foto Otyrar
Shymkenttegi «Mereili otbasy» baiqaýynyń jeńimpazdary marapattaldy. Irikteýden ótken 20 januia úzdik dep tanyldy. Olarǵa qala ákiminiń alǵys haty men baǵaly syilyqtar tabystaldy. Al, jeńimpaz otbasyǵa 1 mln. teńge qarjylai syiaqy berildi, - dep habarlaidy «Ult aqparat» otyrar.kz-ke silteme jasap.
Qalalyq «Mereili otbasy» baiqaýynyń jeńimpazy – tamyryn tereńge jaiǵan Sydyqovtar januiasy. Ónegeli áýlet dástúr qundylyqtaryn boiyna jiti sińirip, ony urpaqtan urpaqqa dáriptep keledi. Mereii ústem bolǵan Sydyqovtar shańyraǵyna 1 mln. teńge kólemindegi qarjylai syiaqy tabystaldy.
Aqmaral Qudaibergenova, Sydyqovtar otbasynyń kelini: «Er azamattarymyz ulttyq oiyndy: kókpar, asyq atý, láńgi tebý siiaqty oiyndardy dáriptep kele jatyr. Qazaqtyń ulttyq taǵamdaryn jáne urshyq iirý, keste tigý siiaqty qazaqtyń qolónerin jasaý arqyly biz ózge otbasylardan erekshelenip, ozyq bolyp, alǵa shyqtyq dep oilaimyn».
Bul joly Sydyqovtardyń shańyraǵymen birge baiqaýda 183 otbasy baq synady. Ekinshi kezeńge 20 januia iriktelip shyqty. Olardyń barlyǵy alǵys hatpen marapattalyp, syilyqqa teledidar aldy.
Sársen Quranbek, Shymkent qalasy ákiminiń orynbasary: «Qazaq «Uiada ne kórseń ushqanda sony ilesiń» deidi. Osy turǵyda jalpy bizdiń memlekettigimizdi saqtaimyz desek, «Otan otbasynan bastalady» degen qaǵidany basty nazarǵa ustaityn bolsaq, bizdiń Qazaqstandaǵy ár otbasymyz myqty bolýy kerek».
Ónerimen elge tanylyp, úzdik atanǵan Sydyqtovtar otbasy endi respýblikalyq baiqaýda baq synaidy. Qala biligi úlgili áýletke úmit artyp, aimaq abyroiyn asyrýǵa sáttilik tiledi.
