Shymkenttegi 10216 áskeri bóliminde qyzmet etetin aǵa serjant Turar Tólegenov «Beibitshilik jaýyngeri» halyqaralyq konkýrsyna qatysatyn boldy. Komanda quramyna kirgen Tólegenov úzdikterdiń qatarynda bolý úshin jyldar boiy ter tókken, - dep habarlaidy «Ult aqparat».
Belgili bolǵanyndai, saiysqa Tólegenovpen birge alty adam iriktelip, tańdalǵan.
«Biz armiialyq oiyndarǵa qatysatyn úzdik úmitkerler qatarynda bolý úshin kóp kúsh jumsadyq. Árqaisymyz jeńiske jetýge bel býdyq. Bul áskeri bólimsheniń ǵana emes, elimizdiń abyroiyn asqaqtatyn abyroily saiys. Sondyqtan el ishindegi irikteýge de, Armeniiada ótetin saiysqa da bar kúsh jigerimizdi salyp, daiyndaldyq. Ońai bolǵan joq, degenmen biz, áskeri mamandar kez kelgen nársege mashyqtanǵan, daiyndyqtan ótken kásibi mamandarmyz», – deidi Turar Tólegenov.
Saiysqa qatysatyn alty adam Qaraǵandy garnizonyndaǵy «Spassk» oqý-jattyǵý poligonynda Armiialyq halyqaralyq oiyndardyń «Beibitshilik jaýyngeri» konkýrsyna qatysý úshin áskeri qyzmetshilerdi sońǵy irikteýden tańdalǵan. Atalǵan konkýrs biyl Armeniiada ótedi.
«Qatysýshylardyń dene bitimi jaqsy damyǵan bolýǵa jáne shtattyq qarýdy meńgerip qana qoimai, sahnada ózin erkin sezinýge tiis. Bizdiń komandanyń bas júlde úshin kúreste barlyq múmkindigi bar dep oilaimyn. Myqty mamandardy iriktep aldyq. Endi olardyń ózin qaita daiarlap, konkýrsqa jiberemiz. Bul elimizdiń abyroiy úshin bolatyn úlken konkýrs, sondyqtan eshqaisymyz buǵan beijai qaramaýymyz kerek», – dep atap ótti serjanttar quramymen jumys basqarmasy daiyndyq bóliminiń bastyǵy sheber-serjant Pavel Shishkin.
Irikteý jarystary aldymen áskeri bólimderde, odan keiin óńirlik qolbasshylyqtarda jáne Qarýly Kúshter túrleri deńgeiinde ótkizildi. Qurama komandaǵa kirý quqyǵy úshin kelisimshart boiynsha úzdik áskeri qyzmetshiler saiysqa tústi. «Beibitshilik jaýyngeri» – armiialyq oiyndardyń eń qyzyqty, jan-jaqty, ári kúrdeli konkýrstarynyń biri.
«Biz konkýrstyń bes kezeńnen turatynyn bildik. Onda áskeri qyzmetshiler tek kásibi sheberligin ǵana emes, sonymen qatar óziniń darynyn, shyǵarmashylyq qabiletin, sondai-aq áskeri tarih jáne gýmanitarlyq quqyq salasyndaǵy bilimin kórsete otyryp, saiysqa túsedi. Bizdiń komandaǵa tańdalǵan alty azamat ta myqty mamandar. Biz tek jeńistiń tuǵyrynan kórinýge bar kúsh-jigerimizdi salatyn bolamyz», - aǵa-serjant Turar Tólegenov.
Aita keteiik, qazaqstandyq komanda «Beibitshilik jaýyngeri» halyqaralyq konkýrsynda birneshe ret júldeli oryndarǵa ie boldy. Olarǵa toqtalatyn bolsaq, 2016 jyly Reseide áskeri qyzmetshilerimiz jalpykomandalyq úshinshi oryn, 2017 jyly Belarýs elinde – ekinshi oryn alsa, 2018 jyly Armeniiada ótken konkýrsta jeńimpaz atandy.
Esterińizge sala keteiik, Shymkenttegi 10216 áskeri bóliminde qyzmet etetin aǵa serjant Turar Tólegenov «Beibitshilik jaýyngeri» halyqaralyq konkýrsyna qatysatyn boldy. Komanda quramyna kirgen Tólegenov úzdikterdiń qatarynda bolý úshin jyldar boiy ter tókken. Al saiysqa qatysatyn alty adam Qaraǵandy garnizonyndaǵy «Spassk» oqý-jattyǵý poligonynda Armiialyq halyqaralyq oiyndardyń «Beibitshilik jaýyngeri» konkýrsyna qatysý úshin áskeri qyzmetshilerdi sońǵy irikteýden tańdalǵan. Irikteý jarystary aldymen áskeri bólimderde, odan keiin óńirlik qolbasshylyqtarda jáne Qarýly Kúshter túrleri deńgeiinde ótkizildi. Qurama komandaǵa kirý quqyǵy úshin kelisimshart boiynsha úzdik áskeri qyzmetshiler saiysqa tústi. «Beibitshilik jaýyngeri» – armiialyq oiyndardyń eń qyzyqty, jan-jaqty, ári kúrdeli konkýrstarynyń biri. Atalǵan konkýrs biyl Armeniiada ótedi.
