Uiymdasqan qylmysqa qarsy kúres basqarmasynyń qyzmetkerleri Shymkenttegi úilený toiynan eki avtomat qarýyn tárkiledi, - dep habarlaidy "Ult aqparat" Polisia.kz portalyna silteme jasap.
Jedel qyzmetkerler úilený toilarynyń birinde qalyńdyqty shyǵaryp salý rásiminen keiingi otshashý kezinde atys qarýy qoldanylatyny týraly aqparat alǵan. Keiin jedel qyzmetkerler toby oqiǵa ornyna kórermender jáne jai júrgen adamdar retinde jiberilgen.
"Jedel aqparat rastaldy. Saǵat 00:00-de úilerdiń biriniń janynda aýaǵa oq atý kezinde politseiler qalanyń 2 turǵynyn avtomat qarýymen ustady. Olardan nómirleri joiylǵan AK-74 avtomaty jáne VPO-925 avtomaty tárkilendi. Oqiǵa bolǵan jerdi qaraý kezinde kriminalister jiyrmaǵa jýyq atylǵan oqtyń gilzasyn tapty.
Qarýdy zańsyz saqtaǵany úshin sotaldy tergeý bastaldy. Tiis saraptamalar taǵaiyndaldy, qajet tergeý áreketteri júrgizilip jatyr" - delingen habarlamada.
