Quqyq qorǵaý organdary Shymkentte qańtarda bolǵan jappai tártipsizdiktiń videohronologiiasyn jariialady, - dep habarlaidy Tengrinews.kz tilshisi qalalyq Politsiia departamentiniń baspasóz qyzmetine silteme jasap.
Tártip saqshylarynyń málimetinshe, 4 qańtarda Jańaózendegi narazylyq aiasynda Shymkent qalasynyń turǵyndary áleýmettik jelilerdi paidalanyp, ákimdik ǵimaraty men qala alańdarynda sanktsiialanbaǵan aktsiialar ótkizý týraly jariialaǵan.
Saǵat 00.30-da jalpy sany 6 myńnan asa adamǵa jetken narazylyq bildirýshiler qala ákimdigine kelip, politseilerge maqsatty túrde shabýyl jasai bastaǵan. Olar tastar men qolda bar quraldardy qoldanǵan. Kópshiliginde armatýra, kúrek pen pyshaq bolǵan.
Saǵat 02.20-da tártipsizdikke qatysýshylar politsiia men áskeri bólimniń mashinalaryn búldirip, olardan arnaiy quraldardy tartyp ala bastaǵan. 62 qyzmettik avtokólik búlingen, onyń 12-si aýdarylyp, 2-eýi órtengen, UQKD-nyń 1 arnaiy kóligi qatty búlingen.
Tártip saqshylary sý shashatyn kólik, jaryq shýyldy granata jáne rezeńke taiaqshalar qoldanǵan. Azamattar qala kóshelerinen taratylyp, qozǵalys qalpyna keltirilgen. Sol kúni politsiiaǵa bes júzge jýyq adam jetkizilgen.
5 qańtarda politsiia kúni boiy narazylyq sharasyn ótkizgenderge qarsy turǵan, biraq saǵat 20.00-de ákimdik mańynda adamdar qaita jinala bastaǵan.
20.20-da Tóle bi jáne Qapal batyr kósheleri qiylysynda, 20.30-da Báiterekov kóshesi men Nazarbaev dańǵyly qiylysynda qozǵalys toqtatylǵan. Arnaiy quraldar kómegimen jinalǵandar yǵystyrylǵan. Olar qashyp ketken, biraq keiin joldardy qaita jabýǵa tyrysqan. Narazylyq bildirýshiler arnaiy kólikterge oq ata bastaǵan.
22.10-ǵa qarai narazylyq bildirýshilerdiń jalpy sany 8000 adamǵa jetken, qarý-jaraq, Molotov kokteilderi, tastar jáne basqa da qolda bar quraldardy paidalanyp, ákimdikke qaita shabýyldai bastaǵan. Politsiia qyzmetkerleri olardyń kópshiligi mas kúide bolǵanyn, sondyqtan buzaqy ári qatigez bolǵanyn aitty.
6 qańtarda tańǵa jaqyn qozǵalys qalpyna keltirilgen. Alańdar, ákimshilik ǵimarattar, qarý-jaraq dúkenderi, bank filialdary, bankomattarǵa kúzet qoiylǵan. Sol kúni tótenshe jaǵdai rejimi men komendanttyq saǵat engizilgen. Tártipsizdikterden keiin politsiiaǵa 3520 adam jetkizilgen.
