Memleket basshysy Qasym-Jomart Toqaev muǵalimderdi kásibi merekesimen quttyqtap, Qazaqstandaǵy bilim berý salasynyń damýyna toqtaldy, dep habarlaidy ult.kz.
Prezidenttiń aitýynsha, qazir Qazaqstanda 4 millionnan astam oqýshy bar. Iaǵni elimizdiń árbir besinshi azamaty mektepte bilim alyp jatyr.
Memleket basshysy sońǵy jeti jylda elimizde 1 millionnan astam oqýshyǵa arnalǵan 1342 mektep salynǵanyn atap ótti.
«Sońǵy jeti jylda elimizde 1 millionnan astam oqýshyǵa arnalǵan 1342 mektep salyndy. Biyl taǵy 101 mektep salynyp jatyr», – dedi Qasym-Jomart Toqaev.
Prezident «Keleshek mektepteri» ulttyq jobasy aiasynda bilim berý mekemeleriniń jańa standarty qalyptasqanyn aitty. Onyń aiasynda zamanaýi infraqurylymy bar mektepter boi kóterip jatyr.
Búginde 460 myń oqýshyǵa arnalǵan 217 mektep salynǵan. Onyń 84-i, iaǵni shamamen 40 paiyzy aýyldyq jerde ornalasqan.
Qasym-Jomart Toqaev aýyl men qala mektepterinde balalarǵa birdei sapaly bilim berilýi qajet ekenin atap ótti.
Sonymen qatar Prezident mektepterge jasandy intellekt júiesine negizdelgen arnaiy sabaqtardy jappai engizý baǵdarlamasy iske asyp jatqanyn aitty.
«Jalpy, aimaqtarda mektep tapshylyǵy máselesi bolmaýy kerek. Óitkeni taǵy da qaitalap aitamyn, bul – memlekettiń bolashaǵyna áser etetin óte mańyzdy faktor», – dedi Memleket basshysy.
Toqaev órkenietti eldiń qýaty tabiǵi bailyǵymen emes, eń aldymen, adam kapitalynyń sapasymen ólshenetinin atap ótti.
Memleket basshysy ustazdarǵa eńbegi úshin alǵys aityp, olardy kásibi merekesimen quttyqtady.
