Shymkenttegi provizorly oryndar men kúndizgi statsionarlarda em alýshylar qatary 77%-ǵa azaidy. Bul týraly aqparattyq-kommýnikatsiialyq ortalyǵynda ótken brifingte qala ákiminiń birinshi orynbasary Shyńǵys Muqan málim etti, dep habarlaidy "Ult aqparat".
Shyńǵys Muqannyń sózinshe, qalada epidemiologiialyq jaǵdai qalypqa túse bastaǵan.
«Keshe bir kúnde 437 naýqas koronavirýstan jazyldy. Al, jedel járdem qyzmetin shaqyrtý ótken ailarda 2320-ǵa deiin jetse, búginde ol 1200 shaqyrylymǵa azaidy. Bul – byltyrǵy jylmen salystyrǵanda 100 shaqyrtý ǵana kóp degen sóz. Qosymsha aita ketsem, juqpaly aýrýlarǵa bailanysty provizorly oryndar men kúndizgi statsionarlarda em alýshylar 77%-ǵa azaidy. Degenmen árdaiym ahýaldy baqylaýda ustaý – bizdiń basty maqsat. Bul turǵyda júieli josparlarymyz bar. Qazirgi qalypty normada 1420 tósek-oryndyq 10 provizorly stotsionar jáne 2 infektsiialyq aýrýhana jumys isteýde. Eger naýqastar sany kóbeise «B» nusqasyna, al ahýal tym ýshyqsa «S» nusqasyna kóshemiz», – dedi Shyńǵys Jumabekuly.
