Foto: Polisia.kz
Shymkentte qoǵamdyq avtobýs qaǵyp ketken taǵy bir bala kóz jumdy. Osylaisha jantúrshigerlik kólik oqiǵasynan qaza tapqandardyń sany bes adamǵa jetti, dep habarlady "Ult aqparat" Habar 24 arnasyna silteme jasap.
Eki áiel men jasóspirim oqiǵa ornynda kóz jumsa, kámeletke tolmaǵan taǵy eki jasóspirim jansaqtaý bóliminde jan tapsyrdy. Sońǵysy - 2006 jylǵy jasóspirim. Dárigerler naýqasty aman alyp qalýǵa tyrysqanymen onyń júregi toqtap qaldy.
Apattan zardap shekken taǵy bir naýqas aýrýhanada jatyr. 2005 jylǵy qyzdyń jaǵdaiy qalypty. Qazir dárigerlerdiń jiti baqylaýynda.
"Osy jyldyń 8 sáýirinde jedel járdem qyzmetine saǵat 18:43-te shaqyrtý túsken. Oqiǵa ornyna 4 jedel járdem brigadasy bardy. Oqiǵa saldarynan 6 adam zardap shekken. Onyń úsheýi oqiǵa ornynda kóz jumǵan. Al úsh azamat jaǵdaiynyń aýyrlyǵyna bailanysty jedel járdem qyzmetimen jaqyn mańdaǵy aýrýhanalarǵa jetkizilgen. Sonyń ishinde oblystyq balalar aýrýhanasy men perinataldy ortalyqqa jetkizilgen eki naýqas reanimatsiialyq kórsetilgen sharalarǵa qaramastan aýyr jaraqat saldarynan kóz jumdy", - deidiqalalyq densaýlyq saqtaý basqarmasynyń baspasóz hatshysy Laýra Nahypqyzy.
Al qalalyq politsiia departamenti apattyń mán-jaiyn habarlady. Resmi aqparat boiynsha qoǵamdyq kóliktiń júrgizýshisi jumysyn aiaqtap, avtobýsty qol tejegishte qaldyryp ketken. Osy sátte kólik tómen qarai quldilai júrip, jyldamdyǵyn arttyrǵan. Keiin joldyń qarsy baǵytyna shyǵyp, jaiaý júrginshilerdi qaǵyp ketti. Bul kezde avtobýs ishinde júrgizýshi bolmady.
Apat keshe keshki saǵat jetiler shamasynda bolǵan. Júrgizýshi ustalyp, ýaqytsha ustaý izoliatoryna qamaldy. Avtobýstyń jaramdylyǵyn anyqtaityn avtotehnikalyq saraptama taǵaiyndaldy.
"Qazirgi tańda Shymkent qalasy PD AB qyzmetkerleri QR Qylmystyq kodeksiniń 345-baby 4-bóligine sáikes, sotqa deiingi tergeý amaldaryn júrgizýde. Saraptamalar taǵaiyndaldy. Avtobýstyń júrgizýshisi qamaýǵa alyndy", - dep atap ótti Shymkent qalasy PD resmi ókili Saltanat Qarakózova.
