فوتو: Polisia.kz
شىمكەنتتە قوعامدىق اۆتوبۋس قاعىپ كەتكەن تاعى بٸر بالا كٶز جۇمدى. وسىلايشا جانتٷرشٸگەرلٸك كٶلٸك وقيعاسىنان قازا تاپقانداردىڭ سانى بەس ادامعا جەتتٸ, دەپ حابارلادى "ۇلت اقپارات" حابار 24 ارناسىنا سٸلتەمە جاساپ.
ەكٸ ەيەل مەن جاسٶسپٸرٸم وقيعا ورنىندا كٶز جۇمسا, كەمەلەتكە تولماعان تاعى ەكٸ جاسٶسپٸرٸم جانساقتاۋ بٶلٸمٸندە جان تاپسىردى. سوڭعىسى - 2006 جىلعى جاسٶسپٸرٸم. دەرٸگەرلەر ناۋقاستى امان الىپ قالۋعا تىرىسقانىمەن ونىڭ جٷرەگٸ توقتاپ قالدى.
اپاتتان زارداپ شەككەن تاعى بٸر ناۋقاس اۋرۋحانادا جاتىر. 2005 جىلعى قىزدىڭ جاعدايى قالىپتى. قازٸر دەرٸگەرلەردٸڭ جٸتٸ باقىلاۋىندا.
"وسى جىلدىڭ 8 سەۋٸرٸندە جەدەل جەردەم قىزمەتٸنە ساعات 18:43-تە شاقىرتۋ تٷسكەن. وقيعا ورنىنا 4 جەدەل جەردەم بريگاداسى باردى. وقيعا سالدارىنان 6 ادام زارداپ شەككەن. ونىڭ ٷشەۋٸ وقيعا ورنىندا كٶز جۇمعان. ال ٷش ازامات جاعدايىنىڭ اۋىرلىعىنا بايلانىستى جەدەل جەردەم قىزمەتٸمەن جاقىن ماڭداعى اۋرۋحانالارعا جەتكٸزٸلگەن. سونىڭ ٸشٸندە وبلىستىق بالالار اۋرۋحاناسى مەن پەريناتالدى ورتالىققا جەتكٸزٸلگەن ەكٸ ناۋقاس رەانيماتسييالىق كٶرسەتٸلگەن شارالارعا قاراماستان اۋىر جاراقات سالدارىنان كٶز جۇمدى", - دەيدٸقالالىق دەنساۋلىق ساقتاۋ باسقارماسىنىڭ باسپاسٶز حاتشىسى لاۋرا ناحىپقىزى.
ال قالالىق پوليتسييا دەپارتامەنتٸ اپاتتىڭ مەن-جايىن حابارلادى. رەسمي اقپارات بويىنشا قوعامدىق كٶلٸكتٸڭ جٷرگٸزۋشٸسٸ جۇمىسىن اياقتاپ, اۆتوبۋستى قول تەجەگٸشتە قالدىرىپ كەتكەن. وسى سەتتە كٶلٸك تٶمەن قاراي قۇلديلاي جٷرٸپ, جىلدامدىعىن ارتتىرعان. كەيٸن جولدىڭ قارسى باعىتىنا شىعىپ, جاياۋ جٷرگٸنشٸلەردٸ قاعىپ كەتتٸ. بۇل كەزدە اۆتوبۋس ٸشٸندە جٷرگٸزۋشٸ بولمادى.
اپات كەشە كەشكٸ ساعات جەتٸلەر شاماسىندا بولعان. جٷرگٸزۋشٸ ۇستالىپ, ۋاقىتشا ۇستاۋ يزولياتورىنا قامالدى. اۆتوبۋستىڭ جارامدىلىعىن انىقتايتىن اۆتوتەحنيكالىق ساراپتاما تاعايىندالدى.
"قازٸرگٸ تاڭدا شىمكەنت قالاسى پد اب قىزمەتكەرلەرٸ قر قىلمىستىق كودەكسٸنٸڭ 345-بابى 4-بٶلٸگٸنە سەيكەس, سوتقا دەيٸنگٸ تەرگەۋ امالدارىن جٷرگٸزۋدە. ساراپتامالار تاعايىندالدى. اۆتوبۋستىڭ جٷرگٸزۋشٸسٸ قاماۋعا الىندى", - دەپ اتاپ ٶتتٸ شىمكەنت قالاسى پد رەسمي ٶكٸلٸ سالتانات قاراكٶزوۆا.
