Foto: ashyq derekkóz
Shymkentte qyzdy óltirý faktisi boiynsha qozǵalǵan qylmystyq isti tergeý Qazaqstan Respýblikasy Ishki ister ministrliginiń erekshe baqylaýyna alyndy, dep habarlaidy Ult.kz.
IIM málimetinshe, qoǵamda aitylyp júrgen Shymkent qalasy politsiia qyzmetkerleri tarapynan ýaqtyly sharalar qabyldanbaýy múmkin degen pikirler men ýájderge bailanysty qyzmettik tekserý taǵaiyndalǵan.
Qazirgi tańda kúdikti sot sanktsiiasymen qamaýǵa alyndy. Tergeýdi jan-jaqty ári obektivti júrgizý maqsatynda eń tájiribeli qyzmetkerlerden arnaiy tergeý-jedel toby quryldy.
Qylmystyq is aiasynda barlyq tergeý áreketteri júrgizilip jatyr. Onyń ishinde beinebaqylaý kameralarynan alynǵan jazbalar muqiiat tekserilip, túsken barlyq aqparat jan-jaqty taldanýda. Tergeý nátijesi boiynsha kúdiktiniń barlyq áreketterine quqyqtyq baǵa beriletin bolady.
Ishki ister ministrligi kez kelgen qatygezdik kórinisterine qatań tosqaýyl qoiylyp, kináli tulǵalardyń zań aiasynda tiisti jazasyn alýy úshin barlyq qajetti sharalar qabyldanatynyn málimdedi.
