Shymkenttegi 17 jastaǵy jasóspirimniń ólimi boiynsha dárigerlerge qatysty tergeý bastaldy. Bul týraly qalalyq Politsiia departamenti málimet taratty, dep habarlaidy "Ult aqparat".
Politsiia departamenti baspasóz qyzmetiniń málimetinshe, Túrkistan oblystyq balalar aýrýhanasynyń dárigerlerine qatysty tergeý sharalary búginnen bastalǵan.
«03.06.2020 jyly Túrkistan oblysynyń balalar aýrýhanasynyń dárigerlerine qatysty Eńbekshi politsiia basqarmasymen QR QK 317-baby boiynsha (meditsina qyzmetkerleriniń kásibi mindetterin tiisinshe oryndamaý) material tirkelgen» delingen habarlamada.
Sondai-aq, politsiia qyzmetkerleri jappai tóbeles bolǵan túni Túrkistan oblystyq balalar aýrýhanasyna 3 kámeletke tolmaǵan jasóspirim ártúrli dene jaraqattarymen túskenin aitady. Olardyń arasynda Abzalbek Ýtkýrovtyń jaǵdaiy óte aýyr bolǵan. Jedel-izdestirý is-sharalary barysynda politsiia qyzmetkerleri sol túni, izin sýytpai kúdiktilerdiń barlyǵyn anyqtap, olardyń beseýi qamaýǵa alynǵan. Ekeýine eshqaida ketpeý týraly qolhat túrindegi bultartpaý sharasy qoldanylyp, taǵy bir kúdiktige izdeý jariialanǵan.
«Qazir osy qylmystyq oqiǵa boiynsha QR QK 106-babynyń 2-bóligi 5,7,11-tarmaqtary (kórineý kámeletke tolmaǵan adamǵa qatysty buzaqylyq nietpen aldyn ala sóz bailasý arqyly adamdar toby jasaǵan densaýlyqqa qasaqana aýyr ziian keltirý) boiynsha bastalǵan sotqa deiingi tergep-tekserý amaldary júrgizilýde. Tergeý barysynda jappai tóbeleske 10 kámeletke tolmaǵan jasóspirim men bir eresek turǵyn qatysqany anyqtalǵan. Tóbelesten soń kúdiktilerdiń barlyǵy oqiǵa ornynan boi tasalaǵan»,- delingen habarlamada.
Aita keteiik, kúni keshe osy jappai tóbelesten aýyr dene jaraqatyn alǵan 17 jastaǵy Abzal Ýtkýrov aýrýhanada qaitys bolǵan edi. Onyń týystary tóbeleske qatysqandardyń Abzaldyń basyn shlakoblokpen uryp, tyrnaqtaryn julyp alǵanyn aitqan bolatyn.
