Shymkentte jergilikti politsiia qyzmeti patrýldik politsiia polkiniń 4-rota komandiri politsiia maiory K.Álimhanov ustaldy, - dep habarlaidy Tengrinews.kz tilshisi Antikor málimetine silteme jasap.
"Qyzmet babyndaǵy qamqorlyǵy úshin qaramaǵyndaǵy qyzmetkerlerden 178 myń teńge mólsherinde para alǵany úshin Shymkent qalasy jergilikti politsiia qyzmeti patrýldik politsiia polkiniń 4-rota komandiri politsiia maiory K.Álimhanov ustaldy. Álimhanov jalpy qamqorlyǵy úshin óz qyzmetkerlerinen 2021 jyldyń mamyrynan 2022 jyldyń sáýirine deiin polk basshylyǵyna ai saiyn para alǵan derekteri anyqtaldy", - delingen habarlamada.
Vedomstvo málimetinshe, Álimhanov qol astyndaǵylardan júieli túrde para alǵany anyqtalǵan.
"Álimhanov avtokólik quralyn mas kúide júrgizgeni úshin ákimshilik jaýapkershilikke tartpai, rota inspektorlarymen aldyn ala sóz bailasý arqyly adamdar tobynan 130 myń teńge somasynda para alǵan deregi tirkeldi. Sondai-aq, Álimhanov zańda kózdelgen demalys kúnderin bergeni úshin qolastyndaǵylardan 2 myń teńge mólsherinde júieli túrde para alǵany anyqtaldy", - delingen habarlamada.
