Shymkenttik politseiler qala aýmaǵynda joǵalǵan 12 jasar qyzdy Tarazdan tapty, dep habarlaidy "Ult aqparat" qalalyq politsiia departamentine silteme jasap.
26 qarasha kúni «102» symtetigine jergilikti azamatsha habarlasyp, bir kún aldyn jasóspirim qyzynyń joǵalǵanyn aityp, kómek suraǵan.
Atalǵan jait boiynsha Shymkent qalasy politsiia departamenti Abai aýdandyq politsiia basqarmasynyń qyzmetkerleri shuǵyl izdeý sharalaryna kirisedi.
Kópbalaly otbasydan shyqqan oqýshy sol kúni «Alash» bazaryna baryp, qaita úiine oralmaǵan. Izdestirý jumysyna kirisken tártip saqshylary qyzdy Shymkent-Almaty baǵytyndaǵy jolaýshylar kóliginde ketip bara jatqan sátinde, Taraz qalasynan tapqan.
Abai aýdany politsiia basqarmasynyń jedel ýákili, politsiia aǵa leitenanty Orynbek Ómirzaq anasy men qyzyn aman-esen qaýyshtyryp, Shymkent qalasyna jetkizgen.
Qazir jasóspirimmen psiholog maman profilaktikalyq jumys júrgizip jatyr. Óz kezeginde qyzdyń anasy tártip saqshylaryna alǵys aityp, rizashylyǵyn jetkizdi.
