شىمكەنتتٸك پوليتسەيلەر قالا اۋماعىندا جوعالعان 12 جاسار قىزدى تارازدان تاپتى, دەپ حابارلايدى "ۇلت اقپارات" قالالىق پوليتسييا دەپارتامەنتٸنە سٸلتەمە جاساپ.
26 قاراشا كٷنٸ «102» سىمتەتٸگٸنە جەرگٸلٸكتٸ ازاماتشا حابارلاسىپ, بٸر كٷن الدىن جاسٶسپٸرٸم قىزىنىڭ جوعالعانىن ايتىپ, كٶمەك سۇراعان.
اتالعان جايت بويىنشا شىمكەنت قالاسى پوليتسييا دەپارتامەنتٸ اباي اۋداندىق پوليتسييا باسقارماسىنىڭ قىزمەتكەرلەرٸ شۇعىل ٸزدەۋ شارالارىنا كٸرٸسەدٸ.
كٶپبالالى وتباسىدان شىققان وقۋشى سول كٷنٸ «الاش» بازارىنا بارىپ, قايتا ٷيٸنە ورالماعان. ٸزدەستٸرۋ جۇمىسىنا كٸرٸسكەن تەرتٸپ ساقشىلارى قىزدى شىمكەنت-الماتى باعىتىنداعى جولاۋشىلار كٶلٸگٸندە كەتٸپ بارا جاتقان سەتٸندە, تاراز قالاسىنان تاپقان.
اباي اۋدانى پوليتسييا باسقارماسىنىڭ جەدەل ۋەكٸلٸ, پوليتسييا اعا لەيتەنانتى ورىنبەك ٶمٸرزاق اناسى مەن قىزىن امان-ەسەن قاۋىشتىرىپ, شىمكەنت قالاسىنا جەتكٸزگەن.
قازٸر جاسٶسپٸرٸممەن پسيحولوگ مامان پروفيلاكتيكالىق جۇمىس جٷرگٸزٸپ جاتىر. ٶز كەزەگٸندە قىزدىڭ اناسى تەرتٸپ ساقشىلارىنا العىس ايتىپ, ريزاشىلىعىن جەتكٸزدٸ.
