Foto: Sputnik Qazaqstan
QMA Shymkent qalasy boiynsha departamenti biznes quqyqtaryn qorǵaý jáne kóleńkeli ekonomikamen kúres boiynsha júrgizilip jatqan jumys aiasynda tanymal energetikalyq sýsyn shyǵaratyn jasyryn tsehtyń qyzmetin toqtatty, dep habarlaidy "Ult aqparat" Qarjylyq monitoring agenttigine silteme jasap.
"Qalalyq sanitarlyq-epidemiologiialyq baqylaý departamentiniń mamandarymen jáne saýda markasy quqyq ielenýshisiniń ókilderimen júrgizilgen jedel-izdestirý is-sharalary barysynda: 21 myńnan astam quty kontrafaktilik sýsynnyń daiyn ónimi, taýar belgisi bar 54 myń danadan astam bos bankaǵa energetikalyq sýsyndy quiýǵa arnalǵan jabdyq, siia búrikkish japsyrma, oraý qurylǵylary, qaqpaqtar, qurǵaq qospalar (limon qyshqyly, kofein, soda, boiaǵyshtar, qant, qyshqyldyqty rettegishter) tárkilendi.
Keltirilgen shyǵyn kólemi 37 mln teńgeden asady" - delingen habarlamada.
Ulttyq saraptama ortalyǵynyń mikrobiologiialyq zertteý hattamasyna sáikes, tárkilengen sýsynnyń quramynda ruqsat etilgen mólsherden eki ese joǵary zeń men ashytqy bar.
"Bul ónim tutynýǵa jaramsyz, óitkeni ol adam densaýlyǵyna, ásirese jas aǵzaǵa ziian keltiredi.
Atalǵan fakti boiynsha sotqa deiingi tergeý bastaldy. Tergeý múddesindegi basqa aqparat jariia etilmeidi" - delingen habarlamada.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
