فوتو: Sputnik قازاقستان
قما شىمكەنت قالاسى بويىنشا دەپارتامەنتٸ بيزنەس قۇقىقتارىن قورعاۋ جەنە كٶلەڭكەلٸ ەكونوميكامەن كٷرەس بويىنشا جٷرگٸزٸلٸپ جاتقان جۇمىس اياسىندا تانىمال ەنەرگەتيكالىق سۋسىن شىعاراتىن جاسىرىن تسەحتىڭ قىزمەتٸن توقتاتتى, دەپ حابارلايدى "ۇلت اقپارات" قارجىلىق مونيتورينگ اگەنتتٸگٸنە سٸلتەمە جاساپ.
"قالالىق سانيتارلىق-ەپيدەميولوگييالىق باقىلاۋ دەپارتامەنتٸنٸڭ ماماندارىمەن جەنە ساۋدا ماركاسى قۇقىق يەلەنۋشٸسٸنٸڭ ٶكٸلدەرٸمەن جٷرگٸزٸلگەن جەدەل-ٸزدەستٸرۋ ٸس-شارالارى بارىسىندا: 21 مىڭنان استام قۇتى كونترافاكتٸلٸك سۋسىننىڭ دايىن ٶنٸمٸ, تاۋار بەلگٸسٸ بار 54 مىڭ دانادان استام بوس بانكاعا ەنەرگەتيكالىق سۋسىندى قۇيۋعا ارنالعان جابدىق, سييا بٷرٸككٸش جاپسىرما, وراۋ قۇرىلعىلارى, قاقپاقتار, قۇرعاق قوسپالار (ليمون قىشقىلى, كوفەين, سودا, بوياعىشتار, قانت, قىشقىلدىقتى رەتتەگٸشتەر) تەركٸلەندٸ.
كەلتٸرٸلگەن شىعىن كٶلەمٸ 37 ملن تەڭگەدەن اسادى" - دەلٸنگەن حابارلامادا.
ۇلتتىق ساراپتاما ورتالىعىنىڭ ميكروبيولوگييالىق زەرتتەۋ حاتتاماسىنا سەيكەس, تەركٸلەنگەن سۋسىننىڭ قۇرامىندا رۇقسات ەتٸلگەن مٶلشەردەن ەكٸ ەسە جوعارى زەڭ مەن اشىتقى بار.
"بۇل ٶنٸم تۇتىنۋعا جارامسىز, ٶيتكەنٸ ول ادام دەنساۋلىعىنا, ەسٸرەسە جاس اعزاعا زييان كەلتٸرەدٸ.
اتالعان فاكتٸ بويىنشا سوتقا دەيٸنگٸ تەرگەۋ باستالدى. تەرگەۋ مٷددەسٸندەگٸ باسقا اقپارات جارييا ەتٸلمەيدٸ" - دەلٸنگەن حابارلامادا.
قر كونستيتۋتسيياسىنىڭ 77-بابىنىڭ 3-تارماعىنىڭ 1-تارماقشاسىنا جەنە قر قىلمىستىق-پروتسەستٸك كودەكسٸنٸڭ 19-بابىنىڭ 1-بٶلٸگٸنە سەيكەس, قىلمىستىق قۇقىق بۇزۋشىلىق جاساۋداعى كٸنەسٸ سوتتىڭ زاڭدى كٷشٸنە ەنگەن ٷكٸمٸمەن بەلگٸلەنگەنگە دەيٸن ەركٸم كٸنەسٸز دەپ ەسەپتەلەدٸ.
