Shymkent politseileri sábiin qala aýlalarynyń birine tastap ketken áieldi tapty, - dep habarlaidy Tengrinews.kz tilshisi.
PD málimetinshe, ol 27 jastaǵy áiel bolyp shyqty.
"Stýdentter sábidi 10 naýryzda saǵat 23.10-da Rysqulov pen Baitursynov kósheleriniń qiylysyndaǵy balalar alańynan tapqan. Balaǵa jedel meditsinalyq kómek kórsetildi. Birinshi kezekte jańa týǵan náresteni jansaqtaý bólimine jatqyzyp, bir kúnnen keiin palataǵa aýystyrdy", - dedi politsiia qyzmetkeri.
Tártip saqshylary eki kún boiy sábiin tastap ketken áieldi izdedi. Bul iske qatysty qylmystyq is qozǵalǵan. Sonymen qatar, tergeý jalǵasyp jatyr.
"10 naýryzda Rysqulov kóshesindegi kóp qabatty úilerdiń biriniń aýlasynan jańa týǵan balany taýyp alý deregi boiynsha Ál-Farabi aýdandyq politsiia basqarmasynyń qyzmetkerleri QK-niń 119-baby 1-bóligi "Qaýipti jaǵdaida qaldyrý" boiynsha qylmystyq isti tirkedi. Jedel-izdestirý is-sharalarynyń nátijesinde 1995 jyly 12 naýryzda týǵan azamat anyqtalyp, politsiiaǵa jetkizildi", - dedi Shymkent PD baspasóz qyzmeti ókili.
