«Favorit» býkmekerlik keńsesiniń ákimshisi zańsyz internet-kazino uiymdastyrǵan. Bul týraly "Ult aqparat" QR QM Qarjy monitoringi komitetiniń baspasóz qyzmetine silteme jasap habarlaidy.
Atalǵan Komitet Shymkent qalasy boiynsha Ekonomikalyq tergeý departamenti «Favorit» býkmekerlik keńsesiniń burynǵy ákimshisi Iu.Stebýnovqa qatysty sotqa deiingi tergeýdi aiaqtady.
«Iu.Stebýnov «Býkmekerskaia kontora «Favorit» JShS-niń ákimshisi qyzmetinde «Fin Bet» saýda markasyn qoldana otyra, seriktestikpen buryn jalǵa alynǵan úi-jailarǵa qoljetimdilikti paidalanyp, býkmekerlik qyzmetterdi usynýmen qatar zańsyz elektrondy kazino uiymdastyrdy.Sonymen qosa, ol oiynshylarǵa «FLG» baǵdarlamalyq qosymshasyn qoldana otyryp, onlain rejimde ǵalamtor arqyly utysty qamtamasyz etetin apparattyq-baǵdarlamalyq keshen kómegimen qoldan jasalǵan jáne animatsiialyq oiyndarǵa qoljetimdilikti qamtamasyz etken», - delingen habarlamada.
Shymkent qalasy Abai aýdandyq sotynyń úkimimen Iu.Stebýnov QR QK 307-baby 1-bóligine sáikes ( zańsyz oiyn biznesin uiymdastyrý ) kináli dep tanyldy. Atalǵan qylmystyq áreketke 300 AEK (757 500 teńge) kóleminde aiyppul tóleý jazasy qarastyrylǵan.
Tergeý amaldary barysynda zattai aiǵaqtar – 108 dana monitor jáne protsessor, flesh-kartalar, modemder, sondai-aq, 586 600 teńge aqsha qarajaty tárkilendi.
