Shymkentte virýs juqtyrǵan adammen birge Nur-Sultannan bir avtobýspen 51 adam kelgen. Olardyń 35-i tabylyp, oqshaýnlanǵan. Qazir 16 adamdy izdep jatyr. Bul týraly 25 naýryzda Qazaqstan aqparat jáne qoǵamdyq damý ministri Dáýren Abaev habarlady.
Shymkentte koronavirýs juqtyrǵan birinshi adam 24 naýryz keshkisin anyqtalǵan. Resmi derek boiynsha, 1996 jyly týǵan adam qalaǵa birneshe kún buryn avtobýspen Nur-Sultannan kelgen. 25 naýryzda Shymkentte ekinshi adamnan virýs tabyldy.
Qazir Shymkenttiń kireberisine 12 blokpost qoiyldy.
Qazaqstanda koronavirýsqa bailanysty 15 sáýirge deiin tótenshe jaǵdai. 19 naýryzdan bastap Almaty men Nur-Sultan qalalary karantinge kóshti. Osydan keiin eki qalada oqityn ia ýaqytsha júrgen adamdar óz qalalaryna jappai qaita bastaǵan.
Qazir Qazaqstanda 80 adamnan virýs tabyldy: Almatyda - 31 adam, Nur-Sultanda - 41 adam, Qaraǵandyda - eki adam, Shymkentte - eki adam, Almaty oblysynda - bir adam, Aqtóbe oblysynda - bir adam, Jambyl oblysynda - bir adam, Soltústik Qazaqstan oblysynda bir adam.
