شىمكەنتتە ۆيرۋس جۇقتىرعان اداممەن بٸرگە نۇر-سۇلتاننان بٸر اۆتوبۋسپەن 51 ادام كەلگەن. ولاردىڭ 35-ٸ تابىلىپ, وقشاۋنلانعان. قازٸر 16 ادامدى ٸزدەپ جاتىر. بۇل تۋرالى 25 ناۋرىزدا قازاقستان اقپارات جەنە قوعامدىق دامۋ مينيسترٸ دەۋرەن اباەۆ حابارلادى.
شىمكەنتتە كوروناۆيرۋس جۇقتىرعان بٸرٸنشٸ ادام 24 ناۋرىز كەشكٸسٸن انىقتالعان. رەسمي دەرەك بويىنشا, 1996 جىلى تۋعان ادام قالاعا بٸرنەشە كٷن بۇرىن اۆتوبۋسپەن نۇر-سۇلتاننان كەلگەن. 25 ناۋرىزدا شىمكەنتتە ەكٸنشٸ ادامنان ۆيرۋس تابىلدى.
قازٸر شىمكەنتتٸڭ كٸرەبەرٸسٸنە 12 بلوكپوست قويىلدى.
قازاقستاندا كوروناۆيرۋسقا بايلانىستى 15 سەۋٸرگە دەيٸن تٶتەنشە جاعداي. 19 ناۋرىزدان باستاپ الماتى مەن نۇر-سۇلتان قالالارى كارانتينگە كٶشتٸ. وسىدان كەيٸن ەكٸ قالادا وقيتىن يا ۋاقىتشا جٷرگەن ادامدار ٶز قالالارىنا جاپپاي قايتا باستاعان.
قازٸر قازاقستاندا 80 ادامنان ۆيرۋس تابىلدى: الماتىدا - 31 ادام, نۇر-سۇلتاندا - 41 ادام, قاراعاندىدا - ەكٸ ادام, شىمكەنتتە - ەكٸ ادام, الماتى وبلىسىندا - بٸر ادام, اقتٶبە وبلىسىندا - بٸر ادام, جامبىل وبلىسىندا - بٸر ادام, سولتٷستٸك قازاقستان وبلىسىندا بٸر ادام.
