Shymkent politseileri áleýmettik jelilerge monitoring júrgizý barysynda jol erejesin buzý jaity túsirilgen videony anyqtady, dep habarlaidy "Ult aqparat"
Patrýldik politsiia polkiniń qyzmetkerleri barlyq quqyq buzýshylardy ustap, ákimshilik jaýapkershilikke tartty.
«Toyota Land Cruiser 200» avtokóliginiń 25 jastaǵy júrgizýshisine qatysty QR ÁQBtK 603-babynyń 1-bóligimen (15 AEK aiyppul) jáne QR ÁQBtK 590-babynyń 1-bóligimen (5 AEK aiyppul) hattama toltyryldy, al «Mersedes benz s400» avtokóliginiń 24 jastaǵy júrgizýshisi QR ÁQBtK 590-babynyń 1-bóligi (5 AEK aiyppul) boiynsha jaýapkershilikke tartyldy.
Sondai-aq, «Toyota Land Cruiser 200» avtokóliginiń 24 jastaǵy júrgizýshisine qatysty QR ÁQBtK 590-babynyń 1-bóligi (5 AEK aiyppul), QR ÁQBtK 595-babynyń 1-bóligi (5 AEK aiyppul) jáne QR ÁQBtK 603-babynyń 2-bóligi (aiyppul 25 AEK) boiynsha hattama toltyryldy.
Olar óz kinásin moiyndap, júrgizýshilerdi mundai qatelik jasamaýǵa shaqyrdy.
Jergilikti politsiia qyzmeti basqarmasynyń patrýl politsiia polki barlyq azamattardan jol qozǵalysy erejelerin saqtaýdy suraidy.
