Shymkentte politsiia qyzmetkerleri 5 qabatty úidiń tóbesinen sekirmek bolǵan jas áieldi qutqardy, - dep habarlaidy "Ult aqparat" Polisia.kz-ke silteme jasap.
"102 nómirine "Adiia" TK-niń turǵyndarynan qońyraý tústi. Olar belgisiz adamnyń kópqabatty úidiń tóbesine kóterilip, óz-ózine qol jumsamaq bolǵanyn habarlady.
Kezekshi jedel túrde patrýl politsiia polkiniń barlyq ekipajyna habarlama jiberdi. Shaqyrýǵa birinshi bolyp 1-rota qyzmetkerleri Qanat Bishinov pen Beibit Nurpeiisov keldi.
Patrýl politseileri birneshe minýt ishinde óz ómirlerin qaterge tigip, kópqabatty úidiń tóbesine kóterildi jáne áieldi áńgimege tartyp, nazaryn aýdarý arqyly oiynan qaitaryp, qutqaryp qaldy" - delingen PD habarlamasynda.
Qala turǵyny aýdandyq politsiia basqarmasyna jetkizilgen. Áieldiń úsh balasy bar ekeni belgili boldy.
Áńgimeden keiin politsiia qyzmetkerleri ony kúieýine tapsyrdy. Óz kezeginde, jubaiy tártip saqshylaryna qyzmeti úshin alǵys aitty. Qazir áiel otbasymen birge.
