Shymkenttik politseiler tikushaq qatysqan toi serýenindegi kólik júrgizýshilerin ákimshilik jaýapqa tartty. Bul týraly oblystyq ishki ister departamentiniń baspasóz qyzmeti málimdedi, dep habarlaidy Ult.kz tilshisi QazAqparat agenttigine silteme jasap.
Áleýmettik jelilerge taraǵan beinejazbany muqiiat qarap shyqqan Jergilikti politsiia qyzmetkerleri toi serýenindegi úsh kóliktiń júrgizýshisi jol erejesin buzǵan degen sheshimge kelgen.
Atap aitqanda «Bentli» men «Toiota Lend-krýzer» kólikterin tizgindegender Ákimshilik quqyqbuzýshylyq kodeksiniń 614-baby «Kólik quraldarynyń júrýine kedergi keltirý» áreketi boiynsha jaýapqa tartty.
Oblystyq Jergilikti politsiia qyzmetiniń basshylyǵy sondai-aq toi serýeninde bolǵan ózge de azamattardy ákimshilik jaýapqa tartamyz dep otyr.
Al, tikushaqtyń respýblikalyq mańyzy bar jolda kóliktermen birge júrip, qandai biiktikte ushqany týraly málimetter quzyrly organdarǵa joldanǵan.
Esterińizge sala keteiik, Shymkentte toi kortejimen birge ushqan tikushaqtyń beinejazbasy barlyq áleýmettik jelilerge tarap ketken bolatyn. Túsirilimde toi kortejimen ilesip bara jatqan tikushaq tómen qarai túsip, qaita kóterilgen edi. Keiinnen tikushaqty sýretshi jigit úilený toiyndaǵy serýenge jarty saǵatqa jaldap, ol úshin 235 myń teńge tólegeni anyqtalǵan.
