Illiýstratsiia: elements.envato.com
Shymkenttegi tergeý izoliatorynan qashyp ketken kúdikti ustaldy, - dep habarlaidy Tengrinews.kz agenttigi otyrar.kz. saityna silteme jasap.
Kúdikti uzaq ýaqyt boiy jasyryna almai, bir kúnnen keiin qalada ustalǵan. Ol asa iri kólemde urlyq jasady degen kúdikke ilingen, endi túzeý mekemesinen qashyp ketti degen aiyp taǵyldy.
"12 mamyrda júrgizilgen jedel-izdestirý is-sharalarynyń barysynda qashyp ketken er adamdy Qylmystyq atqarý júiesi departamenti jáne oblystyq IID jedel ýákilderi ustady", - dedi Shymkent qalasy men Túrkistan oblysy boiynsha Qylmystyq atqarý júiesi departamentiniń ókilderi.
Bul derek boiynsha Shymkent qalalyq politsiia basqarmasy sotaldy tergeý amaldaryn júrgizip jatyr.
Eske salaiyq, asa iri kólemde urlyq jasady dep aiyp taǵylǵan kúdikti Shymkenttegi tergeý izoliatorynan qashyp ketken bolatyn. Derekti qylmystyq-atqarý júiesi departamentiniń baspasóz qyzmeti rastady.
"Derek boiynsha Shymkent qalasynyń Politsiia departamenti QR Qylmystyq kodeksiniń 426-baby "Bas bostandyǵynan aiyrý oryndarynan, qamaqtan nemese kúzetten qashý" boiynsha sotaldy tergeý júrgizip jatyr. QR Qylmystyq is júrgizý kodeksiniń talaptaryna sáikes tergeý jáne basqa da málimet jariia etilmeidi", - dedi Shymkent qalalyq QAJD baspasóz qyzmeti ókilderi.
