Foto: Polisia.kz
Shymkentte Uiymdasqan qylmysqa qarsy kúres basqarmasynyń qyzmetkerleri Túrkistan oblysynyń sheneýniginen qomaqty aqsha bopsalaǵan kásipkerdi ustady, – dep habarlaidy "Ult aqparat" Polisia.kz-ke silteme jasap.
Portal málimetinshe, memlekettik mekeme basshylarynyń biri Shymkent qalasynyń Politsiia departamentine júgingen. Er adam onyń iskerlik bedeline nuqsan keltiretin aqparatty taratamyn dep jeke kásipker 50 mln teńge bopsalap otyrǵanyn aitady.
Jedel ýákilder bul derekti Qylmystyq kodekstiń 194-baby ("Qorqytyp alý") boiynsha tirkegen.
"Uiymdasqan qylmysqa qarsy kúres basqarmasynyń qyzmetkerleri jedel is-sharalar ótkizip, nátijesinde kúdiktiniń jeke basyn anyqtady.
Ol buryn memlekettik satyp alý boiynsha konkýrsqa qatysqan megapolis turǵyny bolyp shyqty. Alaida ol konkýrstan jeńilip, jábirlenýshini kinálaǵan. Ony politseiler 45 million teńgeni qolma-qol alý kezinde ustady. Onyń 40 million teńgesi jalǵan aqsha boldy. Kúdikti qamaýda" - delingen habarlamada.
Oǵan qatysty sotaldy tergeý amaldary júrgizilip jatyr. Politseiler ustalǵan adamnyń osyǵan uqsas basqa da qylmystarǵa qatysy bar-joǵyn tekseredi.
