فوتو: Polisia.kz
شىمكەنتتە ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ تٷركٸستان وبلىسىنىڭ شەنەۋنٸگٸنەن قوماقتى اقشا بوپسالاعان كەسٸپكەردٸ ۇستادى, – دەپ حابارلايدى "ۇلت اقپارات" Polisia.kz-كە سٸلتەمە جاساپ.
پورتال مەلٸمەتٸنشە, مەملەكەتتٸك مەكەمە باسشىلارىنىڭ بٸرٸ شىمكەنت قالاسىنىڭ پوليتسييا دەپارتامەنتٸنە جٷگٸنگەن. ەر ادام ونىڭ ٸسكەرلٸك بەدەلٸنە نۇقسان كەلتٸرەتٸن اقپاراتتى تاراتامىن دەپ جەكە كەسٸپكەر 50 ملن تەڭگە بوپسالاپ وتىرعانىن ايتادى.
جەدەل ۋەكٸلدەر بۇل دەرەكتٸ قىلمىستىق كودەكستٸڭ 194-بابى ("قورقىتىپ الۋ") بويىنشا تٸركەگەن.
"ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ جەدەل ٸس-شارالار ٶتكٸزٸپ, نەتيجەسٸندە كٷدٸكتٸنٸڭ جەكە باسىن انىقتادى.
ول بۇرىن مەملەكەتتٸك ساتىپ الۋ بويىنشا كونكۋرسقا قاتىسقان مەگاپوليس تۇرعىنى بولىپ شىقتى. الايدا ول كونكۋرستان جەڭٸلٸپ, جەبٸرلەنۋشٸنٸ كٸنەلاعان. ونى پوليتسەيلەر 45 ميلليون تەڭگەنٸ قولما-قول الۋ كەزٸندە ۇستادى. ونىڭ 40 ميلليون تەڭگەسٸ جالعان اقشا بولدى. كٷدٸكتٸ قاماۋدا" - دەلٸنگەن حابارلامادا.
وعان قاتىستى سوتالدى تەرگەۋ امالدارى جٷرگٸزٸلٸپ جاتىر. پوليتسەيلەر ۇستالعان ادامنىڭ وسىعان ۇقساس باسقا دا قىلمىستارعا قاتىسى بار-جوعىن تەكسەرەدٸ.
