Foto: ashyq derekkóz
Shymkent qalasy ákiminiń orynbasary Rýslan Berdenovke shabýyl jasaý faktisi boiynsha qylmystyq is sotqa jetti. Qazirgi tańda is Shymkent qalasyndaǵy mamandandyrylǵan qylmystyq sotta qaralyp jatyr, dep habarlaidy Ult.kz.
Basty aiyptalýshy – burynǵy «Turǵyn úi Shymkent» JShS basshysy Ernar Jienbai. Aiyptaýǵa sáikes, ol 21 sáýir kúni ákimdik ǵimaratynyń mańynda ańshy myltyǵymen Rýslan Berdenovke 5 ret oq atqan. Prokýrordyń málimdeýinshe, kúdikti baqylaý úshin qosymsha oq atpaq bolǵan, alaida oq-dárisi taýsylyp qalǵan.
Sot protsesi ashyq formatta ótýde, alaida aiyptalýshyny videoǵa túsirýge tyiym salynǵan.
Tergeý kezinde Ernar Jienbai ózine qysym kórsetilgenin málimdep, bul týraly sotta dálelder keltirýge daiyn ekenin aitty.
Sýdia Rýslan Berdenovtiń kelesi sot otyrysyna jeke qatysýyn qamtamasyz etýdi tapsyrdy.
Kelesi tyńdalym 6 tamyz kúni, saǵat 10:00-de ótedi.
