Shymkentte robot jasaý tehnikasynyń mektebi ashyldy. Bul igi sharany "Biznestiń jol kartasy - 2020" baǵdarlamasynyń memlekettik grantyn jeńip alǵan Astana qalasyndaǵy N. Nazarbaev ýniversitetiniń túlekteri qolǵa alyp otyr, dep habarlaidy QazAqparat tilshisi.
Robottardy qurastyrýdyń alǵashqy jobasy Astanada sátti júzege asyrylǵan soń, jastar kibermashinalardy qurastyrý negizin shymkenttik balalarǵa úiretýge sheshim qabyldapty. 3 mln teńge kóleminde qaitarymsyz grant ielengen túlekter bul qarjyǵa ǵimarat jaldap, qajetti tehnika satyp alǵan. Joba jetekshileriniń biri Saodat Estiiarovanyń aitýynsha, olar balalarǵa robot jasaý tehnikasynyń barlyq negizin úiretpek. Bul ádis Astana qalasynda sátti tájiribeden ótipti.
«Tórt ai boiǵy úiretý merziminde balalar elektromobildermen kvadrokopter qurastyrýdy úirenedi. Munymen qosa baǵdarlama jasaýdy, 3D modeldeý men basyp shyǵarý, gadjet, qosymshalar men sait jasaýdy oqidy. Mańyzdysy - baǵdarlama jasaýǵa úiretý protsesi oiyn túrinde ótedi. Sonyń nátijesinde balalar oqyǵandaryn jaqsy meńgeredi», - deidi joba jetekshisi jáne Nazarbaev ýniversitetiniń túlegi Saodat Estiiarova.
Aita keteiik, atalǵan mektepke balalar 5-7 jastan qabyldanady. Kýrs 4 aiǵa sozylady. Oqý aqysy aiyna 15 myń teńge dep belgilendi.
Oblystyq kásipkerlik, indýstrialdy-innovatsiialyq damý jáne týrizm baǵdarlamasy ókilderiniń aitýynsha, "Biznestiń jol kartasy - 2020" baǵdarlamasy aiasyndaǵy memlekettik granttar shaǵyn jáne orta biznes sýbektilerine, onyń ishinde bastaýysh kásipkerlerge beriledi. Buǵan qosa, áielderge, múgedekter men jasy 50-den asqan jandarǵa ekonomikanyń basym sektorlary men óńdeý ónerkásibi salalarynda jańa biznes-ideialaryn júzege asyrý úshin tegin jáne qaitarymsyz granttar beriledi.
«Bir kásipkerge beriletin granttyń eń kóp somasy - 3 mln teńgeni quraidy. Qoldaýdyń osynaý grant túri jergilikti biýdjet esebinen júzege asyrylady. Baǵdarlama júzege asyryla bastaǵaly beri jalpy somasy 300 mln teńge bolatyn 96 grant berildi. Onyń ishinen 2017 jyly 29 million teńge bolatyn 10 grant berildi», - deidi OQO kásipkerlik, indýstrialdy-innovatsiialyq damý jáne týrizm bacqarmasynyń bólim basshysy Úsen Isaev.
