© Photo: Pexels / Tima Miroshnichenko
Shymkentte sot internet arqyly naqty ýaqyt rejiminde pornografiia taratýmen ainalysqan transulttyq uiymdasqan qylmystyq topty uiymdastyrýshyny 12 jylǵa bas bostandyǵynan aiyrdy, - dep habarlaidy "Ult aqparat" Polisia.kz saityna silteme jasap.
2021 jylǵy shildede kriminaldyq politsiianyń jedel ýákilderi áleýmettik jelige júrgizgen monitoring barysynda onlain transliatsiia jasaityn pornostýdiiany anyqtaǵan. Politseiler bul aqparatqa qyzyǵýshylyq tanytyp, jarty jyl ishinde barlyq qajet jedel-izdestirý sharasyn júrgizgen.
Nátijesinde tergeýshiler Almaty, Astana jáne Shymkent qalalarynyń turǵyndarynyń izine tústi, onyń ishinde 5 Qyrǵyzstan jáne 5 Qazaqstan azamaty bar. Politsiia departamentiniń qyzmetkerleri olardy úsh megapolistegi jaldamaly páterlerde ustady. Tintý kezinde kúdiktilerden 44 myń AQSh dollary kóleminde aqsha jáne Almatydaǵy jyljymaityn múlik pen esirtki de tárkilendi. Iri qalalardaǵy jaldamaly páterlerde jabdyqtalǵan 10-nan asa veb-porno-stýdiialar bar ekeni anyqtaldy. Onda 50-ge jýyq qyz jumys istegen, onyń ishinde ekeýi kámeletke tolmaǵan.
"Bul jait boiynsha sotaldy tergeý QR Qylmystyq kodeksiniń bes babyna sáikes 9 aidan asa ýaqyt boiy júrgizildi, onyń ishinde (Kámeletke tolmaǵandardy erotikalyq mazmundaǵy ónimderdi daiyndaýǵa tartý), (Uiymdasqan topty qurý jáne basqarý), (Pornografiialyq materialdardy zańsyz taratý) jáne (Kámeletke tolmaǵandardyń pornografiialyq beineleri bar materialdardy daiyndaý jáne olardyń ainalymy nemese pornografiialyq sipattaǵy oiyn-saýyq is-sharalaryna qatysýy).
Bul onlain rejimde jumys istegen Qazaqstandaǵy pornostýdiiany anyqtaýdyń alǵashqy jaǵdaiy ekenin atap ótkim keledi. Osy qylmystyq istiń biregeiligi men kúrdeliligin eskere otyryp, ol politsiia departamenti men prokýratýra basshylyǵynyń erekshe baqylaýynda boldy.
Tergeý barysynda tergeý basqarmasynyń asa mańyzdy ister jónindegi eki tergeýshisi jumys istedi. Olar is júzinde qylmyskerlerdiń osy qylmystarǵa qatysy bar ekendigi týraly dálelder jinady. Sotqa deiingi tergeý barysynda tergeýshiler kýáger retinde 50-den astam adamnan jaýap aldy. Olar ózderiniń qylmystyq áreketterine qashyqtan aǵylshyn tilinen orys tiline aýdarmashy-operatorlardy tartqan. Óitkeni, atalǵan veb-porno-stýdiianyń aýditoriiasy negizinen shetel azamattary bolǵan jáne qyzmet aqysyn shetel valiýtasymen tólegen.
25 jastaǵy Qyrǵyzstan azamaty Álisher Sharshenaliev osy transulttyq qylmystyq topty uiymdastyrdy jáne basqardy. Ol uiymdasqan qylmystyq toptyń árbir múshesiniń mindetin ózi bólip bergen. Qylmystyq toptyń barlyq músheleri belgili bir tártipke sai áreket etken. Negizinen joǵary jalaqyny ýáde etip, turmysy tómen otbasynan shyqqan kelbeti súikimdi qyzdardy jumysqa alǵan. Árbir qyz belgili bir qatań erejelerge baǵynǵan. Kez kelgen zańbuzýshylyq úshin úlken aiyppuldar tólegen.
Nátijesinde tergeý toby qylmystyq istiń 167 tomyn jinady, ár tomy 186 betten turdy. Iaǵni, kóptomdyq is jalpy 31 myńnan astam betti qurady. Bul osy uiymdasqan qylmystyq toptyń árbir múshesiniń róli men kinásin dáleldeý úshin tergeýshilerge zattai dáleldemelerdi jinaý boiynsha tyńǵylyqty jáne orasan zor jumystardy atqarýǵa týra kelgenin ańǵartady", - deidi Shymkent qalasy PD tergeý basqarmasy bastyǵynyń orynbasary Talǵat Ábýov.
2022 jylǵy mamyrda tergeýshiler isti aiyptaý qorytyndysymen birge sotqa jiberdi. Sot qylmystyq is materialdaryn zerdelep, 2023 jylǵy sáýirdiń sońynda úkim shyǵardy: uiymdasqan qylmystyq toptyń jetekshisi Álisher Sharshenaliev qylmystyq jolmen tabylǵan múlki tárkilenip, 12 jylǵa bas bostandyǵynan aiyryldy jáne onyń qylmystyq tobynyń músheleri 3 jyldan 7 jylǵa deiin bas bostandyǵynan aiyryldy.
