Shymkentte karantindi elemei, toi ótkizý faktileri tyiylmai tur, dep habarlaidy "Ult aqparat" qalalyq politsiia departamentine silteme jasap.
Shymkent qalasy Eńbekshi aýdany politsiia basqarmasynyń qyzmetkerleri karantin talaptarynyń saqtalýy boiynsha kúndelikti reid júrgizýde.
Kezekti tekserý barysynda mobildi top ókilderi karantin erejesin óreskel buzý jaittaryn anyqtady.
Máselen, Shymkent qalasy Joldasbekov kóshesinde ornalasqan «Kóksarai» meiramhanasynda jiyn ótip jatqany belgili boldy. Tártip saqshylary 50 adam jinalǵan sharaǵa kelýshilerge túsindirme jumysyn júrgizip, jinalǵan qaýymdy tarqatty.
Sondai-aq Shymkent qalasy Spataev kóshesinde ornalasqan «Kerýen sarai» meiramhanasynda úilený toiyn ótkizgender anyqtaldy. Merekelik sharaǵa tosynnan kirip barǵan tártip saqshylary onda 100-den asa azamat jinalǵanyn anyqtady.
Atalǵan jaittar boiynsha toi ótkizgen tulǵalar men nysan ielerine QR ÁQBtK 425-babymen ákimshilik hattama toltyryldy.
Óz kezeginde Eńbekshi aýdany politsiia basqarmasynyń qyzmetkerleri karantin talaptaryn saqtap, betperde taǵyp, araqashyqtyqty saqtaý kerektigin eskertedi.
