شىمكەنتتە كارانتيندٸ ەلەمەي, توي ٶتكٸزۋ فاكتٸلەرٸ تىيىلماي تۇر, دەپ حابارلايدى "ۇلت اقپارات" قالالىق پوليتسييا دەپارتامەنتٸنە سٸلتەمە جاساپ.
شىمكەنت قالاسى ەڭبەكشٸ اۋدانى پوليتسييا باسقارماسىنىڭ قىزمەتكەرلەرٸ كارانتين تالاپتارىنىڭ ساقتالۋى بويىنشا كٷندەلٸكتٸ رەيد جٷرگٸزۋدە.
كەزەكتٸ تەكسەرۋ بارىسىندا موبيلدٸ توپ ٶكٸلدەرٸ كارانتين ەرەجەسٸن ٶرەسكەل بۇزۋ جايتتارىن انىقتادى.
مەسەلەن, شىمكەنت قالاسى جولداسبەكوۆ كٶشەسٸندە ورنالاسقان «كٶكساراي» مەيرامحاناسىندا جيىن ٶتٸپ جاتقانى بەلگٸلٸ بولدى. تەرتٸپ ساقشىلارى 50 ادام جينالعان شاراعا كەلۋشٸلەرگە تٷسٸندٸرمە جۇمىسىن جٷرگٸزٸپ, جينالعان قاۋىمدى تارقاتتى.
سونداي-اق شىمكەنت قالاسى سپاتاەۆ كٶشەسٸندە ورنالاسقان «كەرۋەن ساراي» مەيرامحاناسىندا ٷيلەنۋ تويىن ٶتكٸزگەندەر انىقتالدى. مەرەكەلٸك شاراعا توسىننان كٸرٸپ بارعان تەرتٸپ ساقشىلارى وندا 100-دەن اسا ازامات جينالعانىن انىقتادى.
اتالعان جايتتار بويىنشا توي ٶتكٸزگەن تۇلعالار مەن نىسان يەلەرٸنە قر ەقبتك 425-بابىمەن ەكٸمشٸلٸك حاتتاما تولتىرىلدى.
ٶز كەزەگٸندە ەڭبەكشٸ اۋدانى پوليتسييا باسقارماسىنىڭ قىزمەتكەرلەرٸ كارانتين تالاپتارىن ساقتاپ, بەتپەردە تاعىپ, اراقاشىقتىقتى ساقتاۋ كەرەكتٸگٸن ەسكەرتەدٸ.
