Shymkentte ókpesi qabynyp túsken 15 jastaǵy jasóspirimniń jaǵdaiy jaqsardy. Naýqas qalalyq klinikalyq balalar aýrýhanasyna 27 maýsym jetkizilip, birden jansaqtaý bólimine jatqyzylǵan bolatyn, dep habarlaidy "Ult aqparat".
Balanyń jaǵdaiy aýyr bolǵandyqtan, oǵan reanimatsiialyq em-dom jasalǵan. Dárigerler ózdiginen demala almaǵan naýqasty oksigenatsiia apparatyna qosyp, oksigenoterapiia jáne virýsqa qarsy terapiia emin úzdiksiz júrgizgen. Ókpesiniń 50 paiyzy zaqymdanǵan jasóspirim dárigerlerdiń qatań baqylaýynda bolyp, der kezinde kórsetilgen kómektiń nátijesinde 10-shy kúni jansaqtaý bóliminen pýlmonologiia bólimshesine aýystyryldy. Keiinnen naýqastyń demikpesi azaiyp, dene qyzýynyń gemodinamikasy qalypqa túsken.
Densaýlyǵy jaqsarǵan jasóspirimdi meditsina mamandary úiine aýrýhanadan shyǵardy.
