Shymkentte koronavirýs juqtyrǵandar sany 3 596 adamǵa jetip, 2097 adam edelip shyqqan. Bul týraly búgin qala ákimi Murat Áitenov shahardaǵy epidemiologiialyq jaǵdai boiynsha ótkizgen brifingte málimdedi, dep habarlaidy QazAqparat.
Qala ákiminiń sózinshe, 7 shildedegi jaǵdai boiynsha, óńirde qaýipti indetten 18 adam qaitys bolǵan. Qalalyq juqpaly aýrýhanalardaǵy tósek-orny 160-tan 650-ge jetkizildi. Al, provizorlyq statsionarlardaǵy oryn sany 3010 bolyp otyr. Qalada sondai-aq, pnevmoniiamen tirkelgen naýqastar sany da ósken. Kúni búginge deiin 6340 naýqas syrqattanǵan bolsa, onyń ishinde 6060 adam (95,6 %) aýrýhanaǵa jatqyzylǵan. Olardyń arasynda 3639 adam (60 %) emdelip shyqqan. JRVI-men 11 891 adam aýyryp, 535 adam (4,5 %) aýrýhanaǵa jatqyzylǵan.
«Jedel járdem qyzmetine 1 maýsymnan 6 shildege deiin shaqyrtýlar sany eki esege ósip, 59 925 jetken. Call-ortalyǵy (109, 1430) iske qosyldy. Koronavirýske arnalǵan tósek-oryndar 300-den 650-ge kóbeidi. 26 jerden 3110 tósek-oryndyq provizorlyq statsionar ashyldy. Aýyr dárejedegi naýqastarǵa 136 jansaqtaý tósek orny daiyndalyp, búginde 95 paiyzǵa tolǵan. Alǵashqy meditsinalyq kómek kórsetý uiymdarynyń bazasynda qosymsha 628 tósek-orny ashylyp, jeńilatletikalyq sport kesheniniń bazasynda 360 tósek-oryn uiymdastyryldy. Jergilikti óndirýshiler 5 millionnan astam kóp qoldanylatyn maska men 100 tonna dezinfektsiialyq zat, 170 myń flakon jáne 192 myń litr sprei shyǵardy»,- dedi Murat Áitenov.
Shahar basshysynyń aitýynsha, qalada 56 mobildi top qurylǵan. Bul top músheleri 10 341 naýqasqa qyzmet kórsetip, 26 380 adam ALO mobildi tobynyń qyzmeti boiynsha dári-dármekpen qamtylǵan.
«Qalada 10 iri kóterme dári-dármek jáne meditsinalyq qural-jabdyq jetkizip berýshi mekeme men 560 dárihana jumys atqarady. Baǵany baqylaý men alypsatarlyqtyń aldyn alý maqsatynda 4 monitoringtik top quryldy. Emdeý oryndarynda 323 jasandy tynys alý (IVL) apparaty bar. 6 aýrýhanada arnaiy kislorod stantsiialary ornatylýda. Meditsina qyzmetkerlerin qoldaý maqsatynda 2 764 adamnyń eńbek aqylaryna 780 mln teńge ústemeaqy tólendi. Halyq qory jáne demeýshiler esebinen 935 meditsina qyzmetkerine 42,4 mln teńgege materialdyq kómek kórsetildi. Juqpaly aýrýlar aýrýhanasynyń naýqastarmen tyǵyz bailanystaǵy 336 qyzmetkeriniń qonaq úilerde turý, tamaq berý, jumysqa qatynaýy uiymdastyryldy», - dedi Murat Áitenov.
